हुबळी (वृत्तसंस्था) प्रसिद्ध ज्योतिषाचार्य चंद्रशेखर अंगाडी उर्फ चंद्रशेखर गुरुजी यांची हुबळी येथील एका हॉटेलमध्ये चाकू मारून हत्या करण्यात आली आहे. शिष्य म्हणून आलेल्या दोघांनी यांच्या चाकूने वार करत त्यांची हत्या केली. या घटनेचे सीसीटीव्ही फुटेज समोर आले आहे.
हॉटेलच्या रिसेप्शनला लावलेल्या टीव्हीमध्ये चंद्रशेखर यांच्यावर चाकूने वार केल्याचे दिसत आहे. व्हिडीओमध्ये चंद्रशेखर यांच्यावर हल्ला होत असल्याचे पाहून तेथे उभे असलेले लोक पळून जाताना दिसतात. मारेकऱ्यांचा शोध सुरू केल्याचे पोलिसांनी सांगितलं. या हत्येनंतर हॉटेलमध्ये एकच खळबळ उडाली आहे. मिळालेल्या माहितीनुसार, गुरुजी वैयक्तिक कामानिमित्त हुबळी येथे आले होते. हल्लेखोरांनी आधी ज्योतिषाचार्य चंद्रशेखर यांच्या पायाला स्पर्श केला आणि नंतर चाकूसारख्या धारदार शस्त्राने एकामागून एक हल्ला केला.
हल्लेखोरांनी ज्योतिषाचार्य चंद्रशेखर यांच्यावर तब्बल 70 वार केले. या घटनेने एकच खळबळ उडाली आहे. चंद्रशेखर गुरुजींची हत्या होणं हे अत्यंत भयंकर घटना असल्याची प्रतिक्रिया कर्नाटकचे मुख्यमंत्री बसवराज बोम्मई यांनी दिली आहे. दरम्यान, चंद्रशेखर यांनी स्वत:ला वाचवण्याचा खूप प्रयत्न केला परंतु ते खाली पडले. त्यानंतर दोन्ही तरुणांनी त्यांच्यावर चाकूचे अनेक वार केले. त्याच्या हत्येनंतर दोन्ही तरुण आरामात हॉटेलमधून निघून गेले. यादरम्यान हॉटेलमध्ये उपस्थित असलेले इतर लोक आणि कर्मचारी हा सर्व प्रकार पाहत होते. त्यांना वाचवण्याऐवजी लोक घाबरून पळून गेले.
