नवी दिल्ली (वृत्तसंस्था) सध्या अशीच एक अजब घटना समोर आली आहे. मीडिया रिपोर्ट्सनुसार उत्तर प्रदेशच्या इटावामध्ये एका तरुणीने लग्नाच्या दिवशी नवरदेवाने विग घातलेलं पाहून लग्नास नकार दिला. ही घटना इटावा जिल्ह्यातील भरथना परिसरात घडली.
ही घटना तुम्हाला आयुषमान खुराणाच्या 2019 मध्ये प्रदर्शित झालेल्या बाला सिनेमाची आठवण करून देईल. एका अशा व्यक्तीची गोष्ट ज्याच्या डोक्यावर केस राहिलेले नाहीत आणि लग्न करण्यासाठी तो ही बाब आपल्या होणाऱ्या पत्नीपासून लपवतो. अशीच काहीशी घटना इटावा जिल्ह्यातील भरथना परिसरात बुधवारी रात्री घडली, जेव्हा नवरीला समजलं की नवरदेव आपला टक्कल लपवण्यासाठी विग वापरत आहे.
जेव्हा वरमाळेचा कार्यक्रम सुरू झाला तेव्हा नवरीने पाहिलं की नवरदेव अजय कुमार आपल्या केसांना वारंवार हात लावत होता. नवरीला हे पाहून संशय आला आणि इतक्यात तिला कोणीतरी सांगितलं की नवरदेव टकला आहे आणि त्याने डोक्यावर विग लावलं आहे. हे ऐकताच नवरी बेशुद्ध झाली आणि स्टेजवरच कोसळली. नंतर शुद्धीवर येताच तिने हे लग्न करण्यास नकार दिला. यानंतर नवरदेवाला लग्न न करताच आपल्या घरी परतावं लागलं. तिच्या कुटुंबातीलही कोणी तिला लग्नासाठी तयार करू शकलं नाही.
