बोदवड (प्रतिनिधी) तालुक्यातील येवती शिवारातील एका अल्पभू धारक शेतकऱ्याची अज्ञात व्यक्तीने लागवड केलेली कपाशी कापून फेकल्याची उघडकीस आली आहे. याप्रकरणी अज्ञात व्यक्तीविरुद्ध गुन्हा दाखल करण्यात आला आहे.
अल्पभूधारक शेतकरी शब्बीर खा आलफ खा पठाण यांची गट क्रमांक 438 शेती आहे. या शेतातील एक एकर कपाशीची लागवड होती. त्यापैकी जवळपास पाव एकर कपाशी अज्ञातांनी चक्क कापून फेकल्याचा प्रकार येवती येथे गुरुवारी सकाळी उघडकीस आला. पूर्ण वाढलेली व चांगला लाग असलेली झाडे कापल्यामुळे शेतकऱ्याचे हातात आलेले पिकाचे नुकसान झाले आहे. याप्रकरणी शेतकऱ्याने बोदवड पोलीस ठाण्यात दिलेल्या फिर्यादीवरून अज्ञातांविरुद्ध गुन्हा दाखल करण्यात आला असून पुढील तपास पोलिस हवालदार संतोष चौधरी,पोलीस नाईक संदीप वानखेडे करीत आहे.
