सोलापूर (वृत्तसंस्था) शहरातील उपळाई रोडवरील नाईकवाडी प्लॉट येथे शिक्षक पतीने आपल्या शिक्षक पत्नीचा धारदार शस्त्राने गळा कापून, तर ११ वर्षांच्या मुलाची गळा आवळून हत्या केल्यानंतर स्वतः शिक्षकाने साडीच्या साह्याने गळफास घेऊन आत्महत्या केल्याची धक्कादायक घटना मंगळवारी सकाळी उघडकीस आल्याने शहरात मोठी खळबळ उडाली आहे. अतुल सुमंत मुंढे (३८), तृप्ती अतुल मुंढे (३७) व ओम अतुल मुंढे (११) अशी मृतांची नावे आहेत.
सोलापूर हादरलं !
अतुल मुंढे हे करमाळा तालुक्यात जिल्हा परिषद शाळेत शिक्षक होते. तर तृप्ती खाडे-मुंढे या बार्शीतील सोजर प्राथमिक शाळेत शिक्षिका होत्या. मुलगा ओम हा सुयश विद्यालयात ५ वीच्या वर्गात शिकत होता. सोमवार, २७ नोव्हेंबर रोजी रात्री नेहमीप्रमाणे घरातील बरच्या मजल्यावर अवलेल्या बेडरूममध्ये झोपण्यासाठी अनुल, तृप्ती व ओम हे तिथे गेले होते, तर खालच्या घरातील वरच्या मजल्यावर असलेल्या बेडरूममध्ये झोपण्यासाठी अतुल, तृप्ती व ओम हे तिघे गेले होते, तर खालच्या मजल्यावर अतुल मुंढे यांचे आई-वडील झोपले होते.
आजी उठवायला गेली आणि थरकाप उडाला !
सकाळी शाळेसाठी नातवाला आजी उठवायला गेली आणि घटना उघडकीला आली. रोज झोपेतून लवकर उठणारे सून, मुलगा व नातू आज लवकर न उठल्याने आजीने नातवाला शाळेत लवकर जावे लागते म्हणून नातवासाठी डबादेखील बनवला होता. मात्र शाळेची वेळ झाली तरी अद्याप नातू उठला नाही म्हणून सकाळी ७.१५ च्या सुमारास आजी नातवाला झोपेतून उठवण्यासाठी दुसऱ्या मजल्यावर गेली. बेडरूमच्या दरवाज्याला आतून कडी असल्याने बाहेरून आवाज दिला, मात्र आतून कोणतीही प्रतिक्रिया न आल्याने परिसरातील लोक जमा झाले. दरवाजाला आतून कडी लावलेली ती तोडून आतमध्ये गेले असता बेडरूमच्या दरवाज्याला देखील आतून कडी होती. याबाबत पोलिसांना कळवले. पोलिसांनी घटनास्थळी पोहोचून पाहणी केली असता थरकाप उडवणारी घटना समोर आली.
बेडरूममधील दृश्य होते भयावह !
बेडरूममध्ये खाली असलेल्या गादीवर तृप्तीचा मृतदेह पडला होता. तिच्या गळ्यावर धारदार शस्त्राचे वार दिसून येत होते. बेडशिटवर रक्ताचे डाग पसरले होते, तर मुलगा ओमचा मृतदेह जवळच असलेल्या दिवानवरील गादीवर पडला होता. त्या चिमुरड्याची गळा आवळून हत्या केली असावी, असा प्राथमिक अंदाज आहे. तर अतुल याने पत्नी व मुलाची हत्या करून त्यानंतर स्वतःहून सिलिंग हुकला साडीच्या साहाय्याने गळफास लावून आत्महत्या केल्याचे दृश्य दिसून आले. घटनेचे कारण मात्र अद्याप स्पष्ट झाले नाही.
