मुंबई (वृत्तसंस्था) शिवसैनिकाचे लक्ष लागून असलेल्या दसरा मेळाव्याची जागा अखेर ठरली असून, यंदाचा दसरा मेळावा हा गेल्यावर्षी प्रमाणे हॉलमध्येच होणार आहे.गेल्यावर्षी स्वातंत्र्यवीर सावरकर राष्ट्रीय स्मारकात दसरा मेळावा पार पडला होता. मात्र यंदा षण्मुखानंद सभागृहात दसरा मेळावापार पडणार आहे.
शिवसेना नेते आणि खासदार संजय राऊत यांनी शिवसेना दसरा मेळाव्याबाबत मोठी माहिती दिली आहे. यावर्षी दसरा मेळावा होणार की नाही याकडे सगळ्यांचं लक्ष लागून राहिलं होतं. मात्र चार दिवसांपूर्वीच संजय राऊत यांनी दसरा मेळावा होणार असल्याचं स्पष्ट केलं होतं. आज त्यांनी दसरा मेळाव्याच्या जागेबाबत माहिती दिली आहे. यंदाचा दसरा मेळावा गेल्यावर्षी प्रमाणे हॉलमध्ये होणार असल्याचं त्यांनी सांगितलं आहे. गेल्यावर्षी स्वातंत्र्यवीर सावरकर राष्ट्रीय स्मारकात दसरा मेळावा पार पडला होता. मात्र यंदाचा दसरा मेळावा मांटुग्याच्या षण्मुखानंद सभागृहात पार पडणार आहे. त्यामुळे सलग दुसऱ्या वर्षी शिवसेनेचा दसरा मेळावा सभागृहात पार पडेल.
संजय राऊत यांनी मुंबईत पत्रकारांशी संवाद साधताना दसरा मेळाव्यात ही माहिती दिली आहे. या मेळाव्याला सभागृहाच्या क्षमतेच्या ५० टक्के उपस्थिती असेल. शिवसेनेचे सर्व वरिष्ठ नेते उपनेते, मंत्री, मुंबईचे आमदार, महापौर आणि मुंबई महानगरपालिकेतील काही महत्वाचे नगरसेवक या दसरा मेळाव्याला उपस्थित राहणार आहेत.
