धरणगाव (प्रतिनिधी) शहरातील एका हॉटेलचे खिडकीचे लोखंडी ग्रील तोडून वेटरनेच गल्ल्यातील ३० हजाराची रोकड घेऊन पोबारा केल्याची घटना उघडकीस धक्कादायक घटना उघडकीस आली आहे.
शहरातील हॉटेल चंदनमध्ये वेटरच्या कामासाठी असलेला विजयसिंग शेरसिंग ठाकूर (रा. रामेश्वर कॉलनी, जळगाव) याने दि. २८ ते ३० जानेवारीच्या दरम्यान, हॉटेलच्या खिडकीचे लोखंडी ग्रील तोडून हॉटेलमध्ये प्रवेश केला. त्यानंतर हॉटेलच्या काऊटरमध्ये ठेवलेले ३० हजार रूपये काढून पोबारा केला. हॉटेल मालक किशोर चौधरी यांनी या वेटरचा धरणगाव शहरात शोध घेतला परंतू तो मिळून आला नाही. तसेच त्याचा मोबाईलवर साधला असता सदरचा बंद येत होता. त्यामुळे हॉटेलमध्ये विजयसिंग ठाकूर यानेच चोरी केल्याची मालक श्री.चौधरी खात्री झाली. त्यामुळे दि. २ फेब्रुवारी रोजी हॉटेल मालक किशोर चौधरी यांनी पोलिसात तक्रार दिली. त्यानुसार विजयसिंग शेरसिंग ठाकूर विरुद्ध गुन्हा दाखल करण्यात आला असून पुढील तपास पो.हे.कॉ राजेंद्र कोळी हे करीत आहेत.
