वॉशिंग्टन पोस्टचा खळबळजनक खुलासा ; रोना विल्स यांचा लॅपटॉप हॅक करून कागदपत्र ठेवले

मुंबई (वृत्तसंस्था) एल्गार परिषद प्रकरणात बुधवारी वॉशिंग्टन पोस्टच्या एका बातमीने पुणे पोलिस व राष्ट्रीय तपास यंत्रणेला धक्का बसला. विल्सन यांचा लॅपटॉप त्यांच्या अटकेआधी हॅक करुन त्यामध्ये काही चिथावणीखोर ईमेल प्लान केले आहेत, त्यात देशविरोधात बंड पुकारणे, मोदी यांची हत्या या स्वरुपाचे १० दस्तावेज टाकले होते, असा खळबळजनक खुलासा वॉशिंग्टन पोस्टने केला आहे. यामुळे पुणे आणि एनआयएच्या तपासावर प्रश्न निर्माण होत आहे.

रोना विल्सन यांना अटक होण्याअगोदर सायबर हल्लेखोरांनी विल्सन यांचा लॅपटॉप हॅक करून त्यात देशविरोधात बंड पुकारणे, मोदी यांची हत्या या स्वरुपाचे १० दस्तावेज टाकले होते, असा खळबळजनक खुलासा वॉशिंग्टन पोस्टने केला आहे. हे दस्तावेज मूळ विल्सन यांच्या लॅपटॉपमध्ये नव्हते, त्यांना या प्रकरणात अडकवण्यासाठी त्यांचा लॅपटॉप हॅक केला, असा अहवाल अमेरिकास्थित डिजिटल फॉरेन्सिक फर्म आर्सेनल कन्सल्टिंगने दिला असल्याचे वॉशिंग्टन पोस्टचे वृत्त आहे.

आरोपींच्या लॅपटॉपमधील हार्ड डिस्कचा अहवाल अमेरिकेतील अर्सेनेल कन्सल्टन्सी या खासगी कंपनीने उघड केला आहे. विल्सन यांच्या लॅपटॉपचाही यामध्ये समावेश आहे. यामधील अनेक वादग्रस्त आणि खळबळजनक अशा कथित तपशीलाचा अहवाल आता जाहीर करण्यात आला आहे. यानुसार पंतप्रधान नरेंद्र मोदी यांच्या हत्येचा कट या आरोपींनी केला होता. असा दावा पोलिसांकडून करण्यात आला आहे. मात्र विल्सन यांचा लॅपटॉप त्यांच्या अटकेआधी हॅक करुन त्यामध्ये काही चिथावणीखोर ईमेल प्लान केले आहेत. विल्सन यांचे वकील सुदीप पासबोला यांनी वॉशिंग्टन पोस्टला सांगितले की, आर्सेनलचा अहवालच आमचा अशील निर्दोष असल्याचा भक्कम पुरावा असून सरकारचे सर्व दावे पोकळ असल्याचे ते दर्शवत आहेत. विल्सन यांच्या वकिलांनी बुधवारी मुंबई उच्च न्यायालयात आर्सेनलचा अहवाल सादर करून विल्सन यांच्याविरोधातील गुन्हा रद्द करावा अशी याचिकेद्वारे मागणी केली आहे.

तर राष्ट्रीय तपास आयोगाच्या प्रवक्त्या जया रॉय यांनी विल्सन यांच्या लॅपटॉपमध्ये अशी कोणतीही घुसखोरी झाली नसल्याचे आढळून आले असून आमच्या संस्थेकडे भीमा कोरेगाव खटल्यातील आरोपींविरोधात सबळ कागदपत्रे व तोंडी पुरावा असल्याचे सांगितले. तसेच एल्गार परिषद प्रकरणात अटक करण्यात आलेले सर्व आरोपी हे आदिवासी, दलित यांच्या हक्कासाठी लढणारे कार्यकर्ते असून ते मोदी सरकारचे कठोर टीकाकार आहेत. या सर्वांनी त्यांच्यावर पोलिसांनी लावलेले देशद्रोहासकट अन्य आरोप अनेकवेळा फेटाळले आहेत. या प्रकरणाचा तपास करणाऱ्या राष्ट्रीय तपास संस्थेच्या प्रवक्त्या डॉ. जया रॉय यांनी द वॉशिंग्टन पोस्टशी बोलताना म्हटलं की विल्सन यांच्या लॅपटॉपचा फॉरेन्सिक तपास करताना त्यांना कुठल्याही प्रकारचं घातक सॉफ्टवेअर आढळलं नाही. तसंच सर्व आरोपींविरोधात “पुरेशी कागदपत्रं आणि तोंडी पुरावे” आहेत, असंही त्या म्हणाल्या.

पंतप्रधान नरेंद्र मोदी यांच्या जीवाला धोका असल्याचा पोलिसांचा दावा

या १० दस्तावेजांच्या आधारे विल्सन यांना नंतर पोलिसांनी अटक केली होती. आणि हे दस्तावेज भीमा-कोरेगाव प्रकरणात अत्यंत महत्त्वाचे म्हणून पुणे पोलिसांनी न्यायालयात सादर केले होते. सध्या या प्रकरणाचा तपास राष्ट्रीय तपास यंत्रणेकडे आहे. या १० दस्तावेजांच्या आधारावर पुणे पोलिसांनी विल्सन यांच्यासमवेत अन्य १५ जणांना अटक केली होती. या सर्वांवर मोदी सरकार उलथवण्याचा आरोप ठेवण्यात आला असून गेली दोन वर्षे ते तुरुंगात आहेत. याशिवाय पंतप्रधान नरेंद्र मोदी यांच्या जीवाला धोका असल्याचाही पोलिसांचा दावा होता. गेल्या जुलै महिन्यात विल्सन यांच्या बचाव पक्षाने आर्सेनल कन्सल्टिंग फर्मला इलेक्ट्रॉनिक पुराव्यांची शहानिशा करण्यासाठी विनंती केली होती. त्यानुसार आर्सेनलने सायबर हल्ला झाल्याचे स्पष्ट केले आहे. हा हल्ला कोणी केला याची माहिती आर्सेनलने दिलेली नाही. पण वॉशिंग्टन पोस्टने आर्सेनलच्या दाव्याची शहानिशा करण्यासाठी अन्य तीन तज्ज्ञांचे मत अजमावले, त्यांनी आर्सेनलच्या पुराव्यावर सहमती दर्शवली आहे.

विल्सन प्रकरण नेमके काय आहे?

विल्सन यांच्या लॅपटॉपमधून पोलिसांना जो दस्तावेज सापडला होता, त्यात मोदी यांची हत्या करण्यासाठी गन्स व दारुगोळा मिळावा अशी मागणी करणारे विल्सन यांचे माओवादी संघटनांना विनंती करणारे एक पत्र होते. पण ही १० पत्रे सायबर हॅकरनी विल्सन यांच्या लॅपटॉपमध्ये एका हिडन फोल्डरमध्ये लपवून ठेवली होती. हे काम सुमारे दोन वर्षे हॅकरकडून सुरू होते, असे आर्सेनलचे तपासाअंती मत आहे. पुराव्याची छेडछाड कशी केली जाते, याचे अत्यंत गंभीर उदाहरण असल्याचे आर्सेनलने म्हटले आहे. सायबर हॅकरनी दोन वर्षांत विल्सन यांच्या लॅपटॉपमध्ये कसा शिरकाव केला व त्यात १० दस्तावेज कसे समाविष्ट केले याचा साद्यंत अहवाल आर्सेनलने तयार केला आहे. एक प्रसंग जून २०१६चा असून विल्सन यांना त्यांच्या काही ओळखींचे मेल आलेले दिसून आले. हे मेल उघडावेत अशी विनंती विल्सन यांच्या एका मित्राने त्यांना केली. हा मेल सिविल लिबरटिज ग्रुपचा असून तो उघडावा असे विल्सन यांना सांगण्यात आले. त्यांनी मित्राच्या सांगण्यावर त्या मेलवरील लिंकवर क्लिक केले, त्या बरोबर मेलद्वारे नेट वायर (NetWire) नावाचे एक सॉफ्टवेअर विल्सन यांच्या लॅपटॉपमध्ये डाऊनलोड झाले व त्यामुळे हॅकरना विल्सन यांच्या लॅपटॉपमध्ये घुसखोरी करणे शक्य झाले. दरम्यान, याबाबत ‘द वायर’नेही आज वृत्त प्रकाशित केले आहे.