रावेर (प्रतिनिधी) येथील एका भागात राहणाऱ्या महिलेच्या घरात घुसून विनयभंग केल्याची घटना उघडकीस आली आहे. एवढेच नाही तर, महिलेच्या जेठाणीला गळा कापुन चिरुन टाकीन अशी धमकी देखील देण्यात आली आहे. याप्रकरणी रावेर पोलीस स्थानकात पिंटू उर्फ संदीप जगन्नाथ म्हसाने याच्याविरुद्ध गुन्हा दाखल करण्यात आला असून आरोपीला अटक करण्यात आली आहे.
यासंदर्भात अधिक असे की, दि. १५ मे २०२२ रोजी पिंटू उर्फ संदीप जगन्नाथ म्हसाने याने ३८ वर्षीय पीडित महिला बाजारातून घराजवळ येत असतांना पिंटु उर्फ संदीप जगन्नाथ म्हसाने याने मानेला हात लावुन महिलेस ईशारा करत होता. परंतु महिलेने दुर्लक्ष करुन घरात निघुन गेली. त्यानंतर महिला व तिची सासु व जेठानी असे घरात असतांना पिंटु म्हसाने हा घरात घुसुन शिवीगाळ करू लागला. पीडित महिलेने त्यास घराचे बाहेर जाण्यास सांगितले. परंतु, तो एकण्याचे परिस्थितीत नसल्याने त्यास कसे तरी घरा बाहेर काढत असतांना त्याने महिलेला विवस्त्र करण्याचा प्रयत्न केला. त्यावेळी महिलेस लज्जा उत्पन्न झाली तसेच तुमचा गळा कापुन चिरुन टाकीन अशी धमकी पीडित महिलेच्या जेठानी हिस दिली. याप्रकरणी रावेर पोलीस स्थानकात पिंटू उर्फ संदीप जगन्नाथ म्हसाने याच्याविरुद्ध गुन्हा दाखल करण्यात आला असून आरोपीला अटक करण्यात आली आहे. तसेच पुढील तपास सहाय्यक पोलीस निरिक्षक नाईक हे करीत आहेत.
