चोपडा (प्रतिनिधी) धरणगाव रोडवरील रेल मारुती मंदिरातून 50 हजार रुपयांच्या पितळी वस्तूसह रोकड अज्ञात चोरट्यांनी चोरानी चोरून नेल्याचे समोर आले आहे. काही दिवसात या मंदिरात तीनदा चोरी झाली असून आतापर्यंत एकाही चोरीचा तपास लागला नसल्याने मंदिर व्यस्थापक मंडळाने नाराजी व्यक्त केली आहे.
धरणगाव रोडवरील रेल मारुती मंदिरावर असलेले अम्प्लिफायर (१२-१३ हजार रु.) २ दानपेट्या तोडून त्यातील रोकड दोन ते अडीच हजार रुपये लंपास करण्यात आले आहे. अज्ञात चोरट्यांनी मारुती मंदिरावरील मुर्ती जवळून एक (पितळी ३-४ किलो) किलोची घंटा छोटे-मोठे पटे चोरले गेले आहे. शनी मंदिरातील तेलाची धागर आणि पितळी पटा पोरीला गेली आहे. या दोघांचे वजन ७-८ किलो आहे. तसेच मंदिराच्या बाजुच्या खोलीतील तांब्याचे पंचआरती ताट, २ मारोतीच्या गदा, तसेच पॅचीस,पान्हे इत्यादी किरकोळ वस्तू सुध्दा चोरीला गेल्या आहेत. अशाप्रकारे एकुण अंदाजे पन्नास हजार रुपयांच्या वस्तू चोरीला गेलेल्या आहेत.
यापूर्वी सुद्धा मंदिरात ३ वेळा चोरी झालेल्या आहेत. परंतु त्याची तक्रार देवून सुध्दा कोणताही तपास लागला नाही किंवा वस्तू मिळाल्या नाहीत. सखोल चौकशी करून चोरांना पकडण्यात यावे व मुद्देमाल मिळवून दयावा, अशी मागणी भाविकांमधून करण्यात येत आहे. तसेच चोरांचा पक्का बंदोबस्त करण्यात यावा. तसेच जर शक्य होणार असेल तर आपल्या प्रयत्नातून जुनी बंद पडलेली पोलिस चौकी मंदिरा शेजारी पुर्ववत सुरु करण्यात यावी, असेही ट्रस्टीनी नमूद केले आहे. याबाबत चोपडा शहर पोलीस स्टेशनला गुन्हा नोंद करण्याचे काम सुरू होते.
