जळगाव (प्रतिनिधी) उन्हाळ्याच्या सुट्टया असल्याने कुटुंबियांसोबत पुणे येथे फिरण्यासाठी गेलेल्या अजय प्रकाश छाडीकर (रा. राम नगर, डीमार्ट समोर) यांच्या घराचा कडीकोयंडा तोडून चोरट्यांनी डल्ला मारला. याठिकाणाहून चोरट्यांनी अडीच तोळे सोन्याचे दागिने आणि आठ ते दहा हजारांची रोकड असा ऐवज चोरुन नेला. त्याच रात्रीमध्ये आरटीओ कार्यालयाजवळील आणि काव्यरत्नावली चौकातील दूध सेंटर फोडून चोरट्यांनी महागड्या कॅटबरीसह चिल्लर चोरुन नेल्याची घटना दि. ४ रोजी उघडकीस आली. एकाच दिवशी तीन ठिकाणी चोरी झाल्याने पोलिसांच्या गस्तीवर प्रश्न उपस्थित केले जात आहे.
शहरातील डी मार्टसमोरील राम नगरात अजय छाडीकर हे वास्तव्यास असून त्यांच्याकडे मीनी स्कुल बस असून ते विद्यार्थी सोडण्याचे काम करतात. शाळांना उन्हाळ्याच्या सुद्द्या लागल्या असल्याने छाडीकर हे दि. ३० रोजी पत्नीसह तीन मुले आणि बहिणीला घेवून महाबळेश्वर येथे फिरण्यासाठी गेले होते. त्याठिकाणी पोहचल्यानंतर दि. ४ रोजी दुपारच्या सुमाराच मोहडी रोड येथे राहत असलेला भाचा छाडेकर यांच्या घरी असलेल्या पोपटाला खाण्यासाठी व झाडांना पाणी देण्या करीता त्यांच्या घरी आला. यावेळी त्याला मामाच्या घराला लावलेले कुलूप तुटलेले दिसून आले.
कपाटातील साहित्य फेकले अस्ताव्यस्त
त्यामुळे छाडीकर यांच्या भाच्याने घडलेला प्रकार लागलीच मामांना सांगितला. त्यांनी घटनेची माहिती पोलिसांना देण्यास सांगितल्यानंतर पोलीस घटनास्थळी दाखल झाले. त्यानुसार पोलिसांसोबत छाडीकर यांच्या भाच्याने घरात जावून पाहणी केली असता, त्याला घरातील मागच्या खोलीतील आणि वरच्या मजल्यावरील खोलीतील कपाट तोडून त्यातील साहित्य अस्ताव्यस्त फेकल्याचे दिसले.
चोरी झाल्याने घराकडे घेतली धाव
चोरट्यांनी अजय छाडीकर यांनी घरातील कपाटातील लॉकरमध्ये ठेवलेले अडीच तोळे एसपींच्या निवास स्थानापासून हाकेच्या अंतरावर चोरी डीमार्टजवळ घरफोडी केल्यानंतर चोरट्यांनी काव्यरत्नावली चौकातील पोलीस अधीक्षकांच्या निवासस्थानापासून हाकेच्या अंतरावर असलेले दोन दूध सेंटर फोडून तेथून ऐवज चोरुन नेला. पोलीस अधीक्षकांच्या घराजवळील परिसर सुरक्षीत नसल्याने सर्वसामान्य नागरिकांचे काय असा सवाल आता नागरिकांकडून उपस्थित केला जात आहे.
सोन्याचे दागिने आणि आठ ते दहा हजारांची रोकड चोरुन नेली. घरात चोरी झाल्याचे कळताच छाडेकर हे लागलीच जळगावला येण्यासाठी निघाले. सोमवारी ते जळगावात पोहचल्यानंतर त्यांनी घरातील साहित्या पाहणी केली. त्यांनी एमआयडीसी पोलीसात अर्ज दिला असून त्यानुसार पोलिसांकडून चौकशी केली जात आहे.
एकाच रात्रीत तीन ठिकाणी चोरी
चोरट्यांनी शनिवारी रात्रीच्या सुमारास डीमार्ट परिसरात छाडीकर यांच्या घरात चोरी केली. त्यानंतर आरटीओ कार्यालयाच्या गेटजवळ असलेली विकास दूधचे बुथचे लॉक तोडले मात्र त्यांना काहीही मिळून न आल्याने चोरटे रिकाम्या हाती परतले. त्यानंतर चोरट्यांनी काव्य रत्नावली चौकातील दूध बुथचे सेंटर लॉक तोडून तेथून महागड्या कॅटरी बिस्कीटांसह दहा ते पंधरा हजार रुपयांची चिल्लर देखील चोरुन नेली.
