पारोळा (प्रतिनिधी) तालुक्यातील एका गावातील महिलेला जंगलात नेत तिच्यावर अत्याचार केल्याची खळबळजनक घटना घडली आहे. याप्रकरणी पारोळा पोलीस ठाण्यात एकाविरुद्ध गुन्हा दाखल करण्यात आला आहे.
पारोळा तालुक्यातील एका गावात ३५ वर्षीय महिला ही आपल्या परिवारासह वास्तव्याला आहे. गावातील लखन जगन पवार याने २५ जून रोजी दुपारी साडेचार वाजेच्या सुमारास पिडीत महिलेला ओळखीचा फायदा घेत दुचाकीवर बसवून जंगलात घेवून गेला. याठिकाणी त्याने पिडीतेचे तोंड दाबून जीवे ठार मारण्याची धमकी देत तिच्यावर जबरी अत्याचार केला. भेदरलेल्या पिडीतेने पारोळा पोलीस ठाण्यात धाव घेत लखन पवारविरुद्ध गुन्हा दाखल केला. पुढील तपास पोलीस उपनिरीक्षक राजू जाधव हे करीत आहे.
