धरणगाव (प्रतिनिधी) शहरातील प्रसिद्ध व्यक्तिमत्व तथा ना. गुलाबराव पाटील यांचे कट्टर समर्थक राजेंद्र महाजन यांचे नुकतेच हृदयविकाराच्या तीव्र झटक्याने नुकतेच निधन झाले होते. राजूभाऊ महाजन यांना श्रद्धांजली वाहण्यासाठी धरणगावला उद्या सर्वपक्षीय शोकसभेचे आयोजन करण्यात आले आहे.
राजूभाऊ महाजन राजकीय मुत्सुद्दी, सुसंस्कृत व्यक्तिमत्त्व होते. तसेच यशस्वी उद्योजक म्हणून देखील त्यांनी आपली एक वेगळी ओळख निर्माण केली होती. त्यामुळे त्यांचा गावात सर्वच क्षेत्रातील मित्रांचा गोतावळा खूप मोठा होता. राजूभाऊ महाजन यांना श्रद्धांजली वाहण्यासाठी उद्या दि. १२ सप्टेंबर रोजी सायंकाळी ७ वाजता साने पटांगण (कोट बाजार) याठिकाणी सर्वपक्षीय शोकसभेचे आयोजन करण्यात आले आहे. दरम्यान, पाऊस आल्यास शोकसभा शिंपी समाज मंगल कार्यालय मेन रोड कोट बाजार येथे घेण्यात येणार आहे.
