मुंबई (वृत्तसंस्था) पैसे देऊन टीआरपी वाढविण्याच्या घोटाळ्यात मुंबई पोलिसांच्या विशेष पथकाने आज भारत ब्रॉडकास्ट ऑडियन्स रिसर्च कौन्सिल (बार्क) या संस्थेचा माजी मुख्य कार्यकारी अधिकारी पार्थो दासगुप्ता याला रायगड येथून अटक केली. याआधी ‘बार्क’चा माजी सीओओ रोमिल रामगडिया याला अटक करण्यात आली होती. दासगुप्ता याच्या अटकेमुळे या घोटाळ्यातील अटक आरोपींची संख्या १५ वर पोहचली आहे.
टीआरपी घोटाळ्याप्रकरणी मुंबई पोलिसांच्या गुन्हे शाखेनं गुरुवारी ब्रॉडकास्ट ऑडियंस रिसर्च काऊंसिल (BARC) चे माजी कार्यकारी अधिकारी पार्थ दासगुप्ता यांना अटक केली आहे. दासगुप्ता यांना पुणे जिल्ह्यातील राजगड पोलिस ठाणे क्षेत्रातून अटक करण्यात आली आहे. टीआरपी घोटाळ्यातील ही १५ वी अटक आहे. एका अधिकाऱ्याने सांगितलं की, दासगुप्ता यांना राजगड परिसरातून अटक केलं आहे आज, शुक्रवारी त्यांना स्थानिक कोर्टात आणलं जाईल. मुंबई पोलिसांनी याआधी BARC चे माजी सीओओ रोमिल रामगढिया यांना अटक केली आहे. बार्क या प्रेक्षक संख्येची पाहणी करणाऱ्या संस्थेशी संबंधित रोमिल रामगढिया यांच्यानंतर पार्थ यांची दुसरी अटक आहे. बार्क BARC म्हणजे ब्रॉडकास्ट ऑडियन्स रिसर्च कौन्सिल ही टीव्ही चॅनेल्सची प्रेक्षकसंख्या मोजणारी संस्था आहे. या संस्थेनेच सुचवल्यावरुन मुंबई पोलिसांनी टीआरपी घोटाळ्याचा तपास सुरु केला होता. त्या बार्क संस्थेच्या माजी कार्यकारी प्रमुखाला म्हणजे चीफ ऑपरेटिंग ऑफिसरला याआधीच अटक करण्यात आलीय. मुंबई पोलिस आयुक्तांनी ऑक्टोबर महिन्यात पत्रकार परिषद घेऊन या प्रकरणाचा गौप्यस्फोट केला होता. त्यानंतर नोव्हेंबरमध्ये ईडीने सुद्धा या प्रकरणी चौकशी सुरु केली होती.
टीआरपी घोटाळ्यात आतापर्यंत रिपब्लिक टीव्ही बरोबरच न्यूज नेशन, महामूव्ही, वॉव, फक्त मराठी, बॉक्स सिनेमा या वाहिन्यांचा सहभाग आढळला आहे. वाहिन्यांचे पदाधिकारी तसेच हंसा कंपनीच्या माजी कर्मचाऱ्यांची याप्रकरणात धरपकड करण्यात आली होती. मात्र ‘बार्क’चे माजी अधिकारी जाळ्यात अडकत असल्याने तपास पथकाची ही कारवाई आणखी काही दिवस अशीच सुरू राहणार असून मोठी नावे पुढे येण्याची शक्यता व्यक्त केली जात आहे.
