बुलढाणा (वृत्तसंस्था) जिल्ह्यातील सिंदखेडराजा जवळ एसटी आणि ट्रकचा भीषण अपघात, अपघात 5 जणांचा मृत्यू तर 13 जण गंभीर जखमी झाले आहेत. जखमींवर सिंदखेडराजा ग्रामीण रूग्णालयात उपचार सुरु असून जखमींपैकी काहींची प्रकृती गंभीर असल्याने मृतांचा आकडा वाढण्याची भीती व्यक्त होत आहे.
मुंबई-छत्रपती संभाजीनगर-नागपूर महामार्गावरील बुलढाणा जिल्ह्यातील सिंदखेडराजा येथे भरधाव वेगातील ट्रक आणि प्रवाशांना घेऊन जाणाऱ्या एसटी बसची समोरासमोर धडक झाली. हा अपघात एवढा भीषण होता की ट्रक आणि एसटीचा पार चक्काचूर झाला आहे. या अपघातात पाच जणांचा मृत्यू झाल्याचे प्राथमिक वृत्त समोर येत असून अनेक जण जखमी आहेत. मृतांमध्ये बस चालकाचाही समावेश आहे. अपघात एव्हढा भीषण होता की, ट्रकमधील चालक हा फसलेला असल्याने त्यांना कटरच्या सहाय्याने तोडून बाहेर काढावे लागले. दरम्यान, दरम्यान, ही बस संभाजीनगरहून वाशिमकडे जात असल्याचे कळते. या अपघातात जखमींपैकी काहींची प्रकृती गंभीर असल्याने मृतांचा आकडा वाढण्याची भीती व्यक्त होत आहे.
