जळगाव (प्रतिनिधी) चाळीसगाव तहसील कार्यालयातून वाळूचा ट्रक चोरणाऱ्‍या चोरास जळगाव शहरातील मलिक नगरातून स्थानिक गुन्हे शाखेच्या पथकाने अटक केली. पुढील कारवाईसाठी संशयितास चाळीसगाव पोलिसांच्या ताब्यात देण्यात आले आहे.
याबाबत अधिक माहिती अशी की, चाळीसगाव तहसीलदारांनी वाळूची वाहतूक करणार्‍या ट्रकवर २०१९ मध्ये कारवाई करीत हा ट्रक तहसील कार्यालय आवारात लावला होता. मात्र संशयीत आरोपी अमीन शब्बीर पटेल (45, रा. पिंपळकोठा ता.एरंडोल, ह.मु. पीडीडी अपार्टमेंट, रूम क्रमांक 202, मलिक नगर, जळगाव) याने लांबवल्याने चाळीसगाव शहर पोलिसात गुन्हा दाखल करण्यात आला होता. आरोपी अमीन पटेल हा जळगावात येत असल्याची माहिती मिळाल्यानंतर त्यास मलील नगर परीसरातून अटक करण्यात आली. ही कारवाई स्थानिक गुन्हे शाखेचे पोलीस निरीक्षक किरणकुमार बकाले यांच्या मार्गदर्शनाखाली एलसीबीचे सहाय्यक फौजदार राजेंद्र पाटील, शरद भालेराव, रामकृष्ण पाटील, कमलाकर बागुल, अनिल देशमुख, महेश महाजन यांनी केली.
