इस्तंबूल (वृत्तसंस्था) तुर्की मुस्लिमांचे एक पंथप्रमुख अदनान ओकतारा यांना इस्तंबूलच्या कोर्टाने १० वेगवेगळ्या गुन्ह्यांमध्ये १०७५ वर्षांची शिक्षा सुनावली आहे. अदनान हे एका पंथांचे प्रमुख आहेत आणि फिर्यादी त्यांच्या संघटनेस गुन्हेगार मानतात. वर्ष २०१८ मध्ये, देशभरातील छाप्यात ओक्‍टरमधील डझनभर लोकांना अटक करण्यात आली. ६४ वर्षीय अदनानने न्यायालयाला दिलेल्या माहितीमध्ये आपल्या एक हजार प्रेयसी असल्याचं म्हटलं होतं.
तुर्कीमध्ये अदनान ओकतारा या मुस्लीम समाजातील धार्मिक नेत्याला इस्तंबूलमधील एका न्यायालयाने लैंगिक अत्याचारासंदर्भातील १० प्रकरणांमध्ये दोषी ठरवलं आहे. या सर्व प्रकरणांमध्ये दोषी ठरलेल्या या नेत्याला एक हजार ७५ वर्षांच्या तुरुंगवासाची शिक्षा सुनावण्यात आली आहे. अनेकदा या नेत्याने फोटो तुर्कीमध्ये चर्चेचा विषय ठरले आहेत. हा नेता कमी कपडे घातलेल्या तरुणींच्या घोळक्यात उभा असल्याचे फोटो अनेकदा चर्चेत आले होते. जेव्हा अदनान टीव्हीवर मानवाची जन्माचे रहस्य आणि रुढीवादी विचारांसंदर्भातील उपदेश द्यायचा तेव्हा त्याच्या आजूबाजूला अनेक तरुणी अर्धनग्नावस्थेत नाचताना दिसायच्या. यापैकी अनेक महिलांनी सुंदर दिसण्यासाठी प्लास्टिक सर्जरीचा आधार घेतल्याचा दावा केला जातो. २०१८ मध्ये अदनानला इस्तंबूल पोलिसांनी आर्थिक गुन्ह्यांच्या आरोपाखाली अटक केली. यावेळी अदनानसोबतच इतर २०० हून अधिक संक्षयितांना पोलिसांनी ताब्यात घेतलं होतं. अदनानला एक हजार ७५ वर्षांची शिक्षा सुनावण्यात आली आहे. ब्लुमबर्गच्या वृत्तानुसार अदनानविरोधात लैंगिक अत्याचार, अल्पवयीन मुलींचे लैंगिक शोषण, फसवणूक, राजकीय तसेच लष्करी हेरगिरीसारखे गंभीर आरोपही आहेत. एकूण २३६ जणांविरोधात हा खटला चालवण्यात आला त्यापैकी ७८ जणांना ताब्यात घेण्यात आलं आहे. अदनानच्या संघटनेमध्ये काम करणारे दोन कार्यकर्ते टरकान यावास आणि ओकटार बाबूना यांनाही दोषी ठरवण्यात आलं असून त्यांनाही दिडशे वर्षांहून अधिक कालावधीची शिक्षा सुनावण्यात आली आहे. टरकानला २११ वर्षांची तर ओकटारला १८६ वर्षांच्या तुरुंगवासाची शिक्षा सुनावण्यात आली आहे.
१९९० च्या दशकामध्ये अदनान हा तुर्कीमध्ये पहिल्यांदा चर्चेचा विषय ठरला होता. अदनान ज्या संप्रदायाचे नेतृत्व करायचा त्या संप्रदायातील अनेकांना सेक्स सॅण्डलमध्ये अटक करण्यात आल्यानंतर अदनान अचानक प्रकाशझोतात आला. ऑनलाइन माध्यमातून ए नाईन टीव्ही या वाहिनीवरुन २०११ पासून अदनान उपदेश करणाऱ्या कार्यक्रमांचे प्रसारण करायचा. या कार्यक्रमामध्ये तो टर्कीमधील धर्मगुरुंवरही टीका करायचा. या वाहिनीला टर्कीमध्ये प्रसारमाध्यमांवर लक्ष ठेवणाऱ्या आरटीयूकेने अनेकदा दंडही केला आहे. अखेर सरकारनेच या वाहिनीच्या प्रसारणावर २०१८ साली बंदी घातली.
अदनानच्या घरातून ६९ हजार गर्भनिरोधक गोळ्या मिळाल्या
या प्रकरणाच्या सुनावणीमध्ये एका महिलेने अदनानने अनेकदा आपलं लैंगिक शोषण केल्याचा आरोप केला आहे. अदनान अनेक महिलांचे लैंगिक शोषण करायचा असंही या महिले म्हटलं आहे. अदनान ज्या महिलांचे लैंगिक शोषण करायचा त्यांच्यावर तो गर्भनिरोधक गोळ्या घेण्यास सांगायचा असंही ही महिला म्हणाली आहे. अदनानच्या घरातून ६९ गर्भनिरोधक गोळ्या तपास यंत्रणांनी जप्त केल्यात. ६४ वर्षीय अदनानने डिसेंबर महिन्यामध्ये सुनावणीदरम्यान न्यायालयाला दिलेल्या माहितीमध्ये आपल्या एक हजार प्रेयसी असल्याचं म्हटलं होतं. महिलांबद्दल मला खूप प्रेम आहे. प्रेम हा एक मानवी गुणधर्म असून प्रेम करणे हे मुस्लिम व्यक्तीचे वैशिष्ट्य असते, असंही अदनानने न्यायालयासमोर म्हटलं होतं.
१९९० च्या दशकात अदनान पहिल्यांदा जगासमोर आला. त्यावेळी तो अनेकदा लैंगिक घोटाळ्यांमध्ये अडकलेल्या एका पंथाचा नेता होता. २०११ मध्ये त्याच्या ए९ TV टीव्ही चॅनेलने ऑनलाईन प्रसारण सुरू केले, त्याचा तुर्कीच्या धार्मिक नेत्यांनी तीव्र निषेध केला. सुनावणीदरम्यान एका महिलेने सांगितले की अदनानने तिच्यावर आणि इतर महिलांवर बर्‍याचदा लैंगिक अत्याचार केले. बर्‍याच महिलांवर जबरदस्तीने बलात्कार केला आणि त्यांना गर्भनिरोधक औषधे खाण्यास भाग पाडले. अदनानच्या घरावरून ६९ हजार गर्भनिरोधक गोळ्या सापडल्या होत्या.
