चाळीसगाव (प्रतिनिधी) येथील हुडको कॉलनीत युवकावर गोळ्या झाडून प्राणघातक हल्ला करणार्‍या दोन संशयितांना स्थानिक गुन्हे शाखेच्या पथकाने धुळे व मालेगावातून ताब्यात घेतले आहे.
२८ नोव्हेंबर रोजी दुपारी ४ वाजता शेख मोहम्मद साबीर मोहम्मद गालीब (वय २५, रा. हुडको कॉलनी, चाळीसगाव) हा मदिना मशीदजवळ गप्पा मारत होता. त्यावेळी दोघांनी शेख मोहम्मद याच्यावर गोळ्या झाडल्या होत्या. यानंतर गोळीबार करणारे फरार झाले होते. या प्रकरणी चाळीसगाव शहर पोलिस ठाण्यात गुन्हा दाखल करण्यात आला होता. एलसीबीच्या पथकातील विजयसिंग पाटील, सुधाकर अंबुरे, रामकृष्ण पाटील, राहुल पाटील यांनी तपासाची चक्रे फिरवून अरबाज दाऊद पिंजारी (रा. हरिविठ्ठलनगर, जळगाव) व शोएब शेख असलम उर्फ माया (रा. चाळीसगाव) या दोन आरोपींना अटक केली आहे.
