जळगाव (प्रतिनिधी) नाशिक परिक्षेत्र विभागाचे विशेष पोलीस महानिरीक्षक आणि धुळे बीडीडीएसच्या पथकाने संयुक्त कारवाई करत आज जिलेटिन कांड्या आणि इलेक्ट्रिक डेटोनेटर वायरसह दोघांना ताब्यात घेतले आहे. ही कारवाई धुळे जिल्ह्यातील थाळनेर पोलीस स्थानकाच्या हद्दीतील अनेर ता.शिरपुर येथून छापा टाकून ताब्यात घेतले आहे.
या संदर्भात अधिक असे की, आज दि. 6 ऑक्टोंबर रोजी विशेष पोलीस महानिरीक्षक परिक्षेत्र नाशिक यांचे विशेष पथक तसेच थाळनेर पो.स्टे आणि बीडीडीएस टिम धुळे यांच्या संयुक्त पथकातील पीआय बापू रोहम, एपीआय सचिन जाधव, एपीआय उमेश बोरसे, एएसआय फुलपगारे, धुळे (BDDS) टिमचे एएसआय बशिर तडवी, आयजी यांच्या विषेश पथकातील पोहेका रामचंद्र बोरसे, हे.कॉं. शकील शेख, पो.ना. मनोज दुसाने, पो.ना. प्रमोद मडलीक, सुरेश टोंगारे अशांनी आज जिलेटिन कांड्या,इलेक्ट्रिक डेटोनेटर वायरसह स्फोटक अनेर गावी छापा टाकून संशयित आरोपी किशन गोरख भामरे (वय 40, रा.अनेर ता.शिरपुर जि.धुळे), स्फोटक देणार योगेश (पुर्ण नाव माहित नाही) यांना छापा टाकून अटक केली आहे. त्यांच्याकडून 93 जिलेटीन कांड्या, 3 इलेक्ट्रीक टोनेटर वायरसह असा एकूण 8 हजार 710 रुपयांचा मुद्देमाला ताब्यात घेण्यात आला आहे. दोघां संशयित आरोपींविरुद्ध थाळनेर पो स्टे.ला CCTNS गु.र.न.30/2022 भा.द.वी. कलम स्फोटक अधिनियम 1908चे कलम5,6,तसेच भा.द.वि. कलम 286,34, प्रमाणे गुन्हा दाखल करण्यात आला असून पुढील तपास थाळनेर पो.स्टे हे करीत आहे.
