सिंध (वृत्तसंस्था) आज सकाळी पाकिस्तान मध्ये मोठी रेल्वे दुर्घटना घडली आहे. घोटकी जिल्ह्यात दोन ट्रेनची एकमेकांना धडक बसल्यानं हा अपघात झाला आहे. आतापर्यंत या दुर्घटनेत ३० लोकांचा मृत्यू झाला आहे. तर अनेक जण गंभीर जखमी झालेत.
पाकिस्तानमध्ये दोन एक्स्प्रेस रेल्वे गाड्यांची धडक होऊन भीषण अपघात झाल्याची घटना घडली आहे. यात ३० प्रवासी मरण पावले असून, शेकडो जखमी झाले आहे. हा अपघात इतका भयंकर होता की, एका एक्स्प्रेस गाडीच्या धडकेमुळे दुसरी एक्स्प्रेस रुळावरून खाली घसरली. दक्षिण पाकिस्तानात असलेल्या सिंध प्रांतातील घोटकी जिल्ह्यात सोमवारी पहाटे ही घटना घडली आहे.
असोसिएटेड प्रेसनं या रेल्वे अपघाताचं वृत्त दिलं आहे. सिंध प्रांतात असलेल्या घोटकी जिल्ह्यात दोन एक्स्प्रेस गाड्यांची धडक झाली. सर सय्यद एक्स्प्रेस रेल्वे गाडीने धडक दिल्यानं मिल्लत एक्स्प्रेस रुळावरून घसरली, अशी माहिती घोटकी जिल्ह्यातील पोलीस अधिकारी उस्मान अब्दुल्ला यांनी दिली. रेती आणि डहार्की रेल्वे स्थानकादरम्यान ही दुर्घटना घडली. यात जवळपास ३० प्रवासी मरण पावले असून, असंख्य जखमी झाले आहेत.
