जळगाव (प्रतिनिधी) भडगाव –कजगाव नजीक असलेल्या पासर्डी गावाजवळील वळण रस्त्यावर पहुर (जामनेर) येथील एक कार नाल्यात गेल्याची घटना घडली आहे. या घटनेत दोन जखमी झाले असून आज २४ नोव्हेंबर रोजी ही घटना घडली आहे.
या घटनेत मयुर लोढा (२७) व त्यांची पत्नी प्रियंका लोढा (२५) असे दोघे जखमी झाले आहेत. दोघा जखमींना सुरुवातीला पाचोरा येथील रुग्णालयात वैद्यकीय उपचारासाठी दाखल करण्यात आले होते. मयुर लोढा यांची पत्नी प्रियंका यांच्या मेंदूला मार बसला. त्यामुळे त्यांना पुढील वैद्यकीय उपचारार्थ मुंबईला नेण्यात आले आहे. जखमींना रुग्णालयात नेण्यात आल्यानंतर अपघातग्रस्त वाहन क्रेनच्या मदतीने नाल्यातून बाहेर काढण्यात आले.