बीड (वृत्तसंस्था) पुण्याहून नातेवाईकाच्या अंत्यविधीसाठी मारफळा (ता. गेवराई) येथे निघालेली स्कार्पिओ जीप आणि टेम्पोमध्ये झालेल्या भीषण अपघातात जीपमधील तिघांचा जागीच मृत्यू तर अन्य तिघे जण गंभीररित्या जखमी झाल्याची धक्कदायक घटना घडली आहे.
कल्याण राज्य महामार्गावरील डोंगरकिन्हीजवळील जाटनांदूर- घोडेवाडी येथे नगरहून गेवराईकडे जाणाऱ्या स्कॉर्पिओ चालकाचे वळणावर नियंत्रण सुटल्याने भरधाव स्कॉर्पिओ टेम्पोवर धडकून भीषण अपघात झाला. यात स्कॉर्पिओतील तीन जण ठार, तर अन्य तिघे जखमी झाले. हा अपघात बुधवारी सायंकाळी पाच वाजता घडला. आसराबाई काशीनाथ कांबळे (६०, रा. नित्रुड) रमेश कुंडलिक हातागळे (३८, रा. कुप्पा, ता. वडवणी) आणि स्कॉर्पिओ चालक ताजोद्दीन मुजावर अशी मृतांची नावे आहेत.
वडवणी तालुक्यातील कुप्पा येथील हातागळे व कांबळे कुटुंब पुण्याला कामासाठी स्थायिक झाले. यातीलच रमेश हातागळे यांच्या मारफळा येथील नातेवाइकाचे बुधवारी निधन झाले. त्यांच्या अंत्यविधीसाठी हे कुटुंब जीपमधून मारफळा येथे होते.
बुधवारी सायंकाळी पाच वाजता तालुक्यातील जाटनांदूरजवळील घोडेवाडी येथे त्यांची गाडी वळणावर येताच स्कॉर्पिओचालक ताजोद्दीन मुजावर याचे नियंत्रण सुटल्याने त्याने समोरून आलेल्या टेम्पोने जीपला जोराची धडक दिली. यात जीपचा समोरील भाग चक्काचूर झाला. या भीषण अपघातात स्कॉर्पिओतील आसराबाई, रमेश, ताजोद्दीन मुजावर हे ठार झाले, तर अनिता रमेश हातागळे (३५) सविता ३२ दत्ता कुंडलिक हातागळे (४५ सर्व रा.कुणा तावणी) हे तिघे जखमी झाले. त्यांच्यावर बीड जिल्हा रुग्णालयात उपचार सुरु आहेत.
