धरणगाव (प्रतिनिधी) महाराष्ट्र शासनाच्या क्रीडा विभागाने धरणगाव तालुका क्रीडा संकुलसाठी पन्नास लाख रुपयांच्या निधी मंजूर केला असून लवकरच अपूर्ण कामाला सुरुवात होऊन विद्यार्थ्यांसाठी खुले केले जाईल, अशी माहिती शिवसेनेचे प्रवक्ते तथा माजी नगराध्यक्ष पी.एम.पाटील यांनी दिली आहे.
जळगाव जिल्ह्यामध्ये जवळजवळ सर्वच क्रीडा संकुल निधी अभावी कात टाकत होते. धरणगाव तालुका क्रीडा संकुलसाठी शिवसेना-भाजप युतीचे पदाधिकारी तसेच क्रीडा शिक्षक प्रामुख्याने पी.एम. पाटील सर, संजय महाजन,भानुदास विसावे, पप्पूभाऊ भावे, विजयभाऊ महाजन, कैलास माळी सर, तालुका क्रीडा संघटनेचे अध्यक्ष सूर्यवंशी सर, विलास महाजन, वाल्मीक पाटील आदी पदाधिकाऱ्यांनी जळगाव जिल्ह्याचे पालकमंत्री गुलाबराव पाटील यांची भेट घेऊन धरणगाव तालुका क्रीडा संकुलसाठी तात्काळ निधी मंजूर करून द्यावा व क्रीडा संकुल तालुका क्रीडा अधिकाऱ्यांच्या ताब्यात देऊन हे सगळ्यांसाठी खुले करावे, असे निवेदन देत मागणी केली होती.
पालकमंत्री गुलाबराव पाटील यांनी क्रीडामंत्री गिरीशभाऊ महाजन यांची भेट घेऊन धरणगाव तालुक्यासह जिल्ह्यातील सर्व क्रीडा संकुल यांना तात्काळ निधी मंजूर करून विद्यार्थ्यांसाठी ते खुले करावे अशी विनंती करून निधी मंजूर करून घेतला. बांधकाम विभागाचे एस.डी. पाटील, लोकेश महाजन, कैलास पाटील, प्रथमेश पवार,पी.एम. पाटील यांनी भेट घेऊन प्रत्यक्ष क्रीडांगणावर जाऊन क्रीडा संकुलाची पाहणी केली. तसेच जे-जे अपूर्ण राहिले कामे आहेत ते 50 लक्ष निधीमध्ये कसे पुरे होतील व पावसाळी क्रीडा स्पर्धेच्या आधी विद्यार्थ्यांसाठी क्रीडा संकुल कसे अवेलेबल होईल, या संदर्भात चर्चा करून लवकरात लवकर कामाला सुरुवात करावी या संदर्भात चर्चा करण्यात आली.
सुरुवातीला शालेय क्रीडा स्पर्धेसाठी आवश्यक असणारे 200 मीटरचे ट्रॅक हॉलीबॉल खो-खो कबड्डी यांच्या क्रीडांगण तयार करून त्याच्या प्रस्ताव तात्काळ तयार करून जिल्हा क्रीडा अधिकारी यांच्याकडे पाठवून द्यावा व लवकरात लवकर काम कसे सुरू होईल त्यासाठी आपण सर्वांनी प्रयत्न करावे असे ठरवण्यात आले. धरणगाव तालुका क्रीडा संकुल अद्यावत होण्यासाठी जवळजवळ चार ते पाच कोटी रुपयांची आवश्यकता असून पुढील काळात याचा पाठपुरावा करून पालकमंत्री गुलाबराव पाटील व क्रीडामंत्री गिरीशभाऊ महाजन यांच्या सहकार्याने अद्यावत असा स्विमिंग पूल तालुका क्रीडा कार्यालयाची बिल्डिंगची कामे केली जातील. तसेच ५० लाख रुपये निधी मंजूर केल्याबद्दल मंत्री गिरीशभाऊ महाजन, पालकमंत्री गुलाबराव पाटील यांचे शिवसेना-भाजप युतीचे पदाधिकारी सर्व तालुक्यातील क्रीडा शिक्षकांनी आभार मानले.
