पुणे (वृत्तसंस्था) कल्याणीनगरमध्ये रविवारी पहाटे बड्या बांधकाम व्यावसायिकाच्या किशोरवयीन मुलाने तब्बल ताशी दीडशे किमी वेगाने पोर्शे ही विदेशी कार चालवून एका तरुण युगुलाला चिरडले. अपघातानंतर पसार होण्याच्या बेतात असलेल्या या मुलाला स्थानिक नागरिकांनी पकडून बेदम चोप दिला. हा मुलगा अल्पवयीन असल्याने त्याला अटक करण्यात आली नाही.
हिंदी, इंग्रजी चित्रपटात शोभेल अशा या थरारामुळे स्थानिक नागरिकांच्या काळजाचा थरकाप उडाला. वाहतूक नियमनाच्या नव्या कायद्यानुसार या मुलाच्या पालकांविरुद्ध गुन्हा दाखल करण्याची मागणी स्थानिक रहिवाशांनी केली आहे. मध्यरात्रीच्या सुमारास पार्टीवरून जात असलेल्या तरुणाने भरधाव गाडी चालवत दोघांना चिरडले. त्यामध्ये दोघे जण जागीच मरण पावले. या अपघातप्रकरणी येरवडा पोलीस ठाण्यामध्ये गुन्हा दाखल करण्यात आला.
कारचालक मद्याच्या किंवा अमली पदार्थांच्या अमलाखाली होता किंवा कसे, हे नेमकेपणाने स्पष्ट झालेले नाही. त्याची ससून रुग्णालयात वैद्यकीय तपासणी करण्यात आली. हे प्रकरण दडपण्यासाठी काही मंडळी प्रयत्नशील होते. मात्र, स्थानिक नागरिकांच्या आणि मृतांच्या नातलगांच्या संतापाचा उद्रेक झाल्यामुळे
