भुसावळ (प्रतिनिधी) शहरात बसस्थानक भागात दुचाकी चोरटा गस्त घालत असताना बाजारपेठ पोलिसांनी संशयास्पद अवस्थेत फिरणाऱ्या दुचाकीस्वारास विचारपूस केली. त्यानंतर ही दुचाकी चोरीची असल्याची सांगितल्याने त्यास दुचाकीसह पोलिसांनी अटक केली आहे. याबाबत भुसावळ तालुका पोलीस स्थानकात गुन्हा दाखल झाला आहे.
बसस्थानक परिसरात राम मुकेश करोसिया (वय-21,रा.भवानी नगर, नशिराबाद) याच्या ताब्यात २५ हजार रुपये किमतीच्या मोटारसायकलवर संशयित वाटल्याने त्यास गाडीच्या मालकी हक्काबाबत विचारपूस केली असता समाधानकारक उत्तर देत नव्हता. याबाबत उपविभागीय पोलीस अधिकारी सोमनाथ वाघचोरे यांनी केलेल्या मार्गदर्शन व सूचना वरून न्यायालयाकडून तपासाबाबत परवानगी घेऊन गाडीबाबत तपास करीत असताना ही याबाबत भुसावळ तालुका पोलिस ठाण्यात चोरीबाबत गुन्हा दाखल आहे. संशयित आरोपी राम मुकेश करोसिया यास पुढील तपासासाठी भुसावळ तालुका पोलिस ठाण्यात पो.ना. विजय पोहेकर यांच्या ताब्यात देण्यात आला आहे. ही कारवाई सहाय्यक पोलीस निरीक्षक गणेश धुमाळ, अनिल मोरे, मंगेश गोटला, पो.ना. रवींद्र बिऱ्हाडे,रमण सुरळकर, उमाकांत पाटील, पो.काॅ. विकास सातदिवे, प्रशांत परदेशी, ईश्वर भालेराव, दिनेश कापडणे, कृष्णा देशमुख, चेतन ढाकणे यांनी केली आहे.
