धरणगाव (प्रतिनिधी) तालुक्यातील वराड बुद्रुक येथील एका अंगणवाडीचा स्लॅब पडल्याची घटना उघडकीस आल्यानंतर खळबळ उडाली आहे. दुपारची वेळ असल्यामुळे अंगणवाडी बंद असल्यामुळे सुदैवाने मोठी दुर्घटना टळली.
वराड बुद्रुक येथील एका अंगणवाडीच्या गच्चीवर काही दिवसांपासून पाणी साचलेले होते. त्यामुळे आज सुमारे तीन फुटी व्यासाच्या स्लॅबचा तुकडा खाली पडला. या संदर्भात ग्रामपंचायतीने अनेकदा अर्ज देऊ नही लक्ष दिले नसल्यामुळे अशी अवस्था झाल्याचा आरोप होत आहे. शेजारील अंगणवाडीवर सुद्धा पाणी साचत असून खाली पाणी गळते. तीचा देखील स्लॅब कोसळण्याची भीती व्यक्त केली जात आहे. तेव्हा या अंगणवाड्यांची ग्रामपंचायतने दुरुस्ती करावी. पावसाळ्यात पर्यायी व्यवस्था करावी, अशी मागणी अंगणवाडी बालवाडी कर्मचारी युनियनचे अध्यक्ष का अमृत महाजन यांनी केली आहे.
