भडगाव (प्रतिनिधी) पाचोरा तालुक्यातील वडगाव येथील व्यापाऱ्याची फसवणूक झाल्याची घटना समोर आली आहे. याप्रकरणी भडगाव पोलीस स्थानकात जाफर शेख शफी बागवान याच्याविरुद्ध गुन्हा दाखल करण्यात आला आहे.
यासंदर्भात राजेंद्र भिकनसिंग पाटील (वय ५७ रा. वडगाव मुलाने ता. पाचोरा) यांनी दिलेल्या फिर्यादीनुसार, दि. ३१ ऑक्टोम्बर २०२० पासून ते दि. १२ डिसेंबर २०२२ पावेतो जाफर शेख शफी बागवान (रा. कजगाव ता. भडगाव ह.मु. JFC गोल्डन केला सप्लायर्स तलाव सम्शान भूमिजवळ शिवसेना कार्यालया शेजारी, विठ्ठलवाडी ईस्ट ता. कल्याण जि. ठाणे) याने राजेंद्र यांचा विश्वास संपादन करुन राजेंद्रच्या केळीच्या मालाचे बाकी असलेले १,७४,७०२ रुपये वेळोवेळी मागीतले असता ते देण्यास टाळाटाळ करुन फसवणुक केली. याप्रकरणी भडगाव पोलीस स्थानकात जाफर शेख शफी बागवान याच्याविरुद्ध गुन्हा दाखल करण्यात आला असून पुढील तपास सहा.पो.निरी. चंद्रसेन पालकर हे करीत आहेत.
