रेशनचे दुकान बदलायचं आहे ? ; मग ‘मेरा रेशन’ अँप करा डाऊनलोड ; जाणून घ्या.. संपूर्ण माहिती

पुणे (वृत्तसंस्था) केंद्रातील मोदी सरकारने (Modi Government) कोरोनाच्या काळामध्ये ‘एक देश एक रेशन कार्ड’ (Ration Card) योजनेला सुरूवात केली आहे. याचबरोबर त्या संलग्न ‘मेरा रेशन’ (Mera Ration App) या स्वतंत्र अॅपची देखील सुरूवात केली आहे. मेरा रेशन या स्वतंत्र अॅपच्या माध्यमातून लोकांची बहुतांश सर्व कामे घरबसल्या ऑनलाईन करता येणार आहे. त्यामुळे स्थलांतरीत नागरीकांना या अॅपचा भरपूर उपयोग होणार आहे.

अॅप डाऊनलोड कसे करणार?

केंद्र शासनाने सध्या अँड्रॉइड स्मार्टफोनसाठी ‘मेरा रेशन’ मोबाईल अॅप सुरू केले आहे. ते गुगल प्ले स्टोअरवरून डाऊनलोड करता येईल.

‘मेरा रेशन’ अॅपवर नव्या रेशन कार्डसाठीही अर्ज

‘मेरा रेशन’ अॅपवर आता ऑनलाईन अर्ज करता येणार आहे. रेशन कार्ड काढण्यासाठी सरकारी कार्यालयात, सुविधा केंद्रात हेलपाटे मारावे लागणार नाहीत.

– जिल्ह्यातील रेशन दुकाने: १८१५
– जिल्ह्यातील रेशनकार्डधारक : ८९३४२४
– अंत्योदय रेशन कार्ड : ४८८०६
– केशरी : २८८२९२
– प्राधान्य कुटुंबे ५२८७५३