बोदवड (प्रतिनिधी) तालुक्यातील जलचक्र बुद्रुक ही ग्रुप ग्रामपंचायत होती. या ग्रामपंचायतीमध्ये जलचक्र बुद्रुक, जलचक्र खुर्द, पळसखेडे बुद्रुक बु ! ही गावे समाविष्ट होती. त्यापैकी पळासखेडे बुद्रुक ही स्वतंत्र ग्रामपंचायत स्थापन झाली आहे.
याबाबतची अधिसूचना महाराष्ट्र शासनाच्या राजपत्र व साधारण भाग चार मध्ये व साधारण क्रमांक २३८ग्राम विकास विभाग अधिसूचना दिनांक ०९ डिसेंबर २०२२महाराष्ट्र शासनाचे राज्यपाल यांच्या आदेशानुसार व नावाने शासनाचे उपसचिव श्रीकांत लोंढे यांनीही अधिसूचना प्राधिकृत करून पळासखेडे बुद्रुक हे गाव दिनांक 9 डिसेंबर २०२२ पासून जलचक्र बुद्रुक आणि पळासखेडे बुद्रुक या नावाने ओळखले जातील, असे म्हटले आहे. ग्रुप ग्रामपंचायत जलचक्र बुद्रुक तालुका बोदवड जिल्हा जळगाव चे विभाजन करून पळासखेडे बुद्रुक गावी स्वतंत्र ग्रामपंचायत स्थापन करणे बाबत दिनांक १२ डिसेंबर२०२२ रोजी महाराष्ट्र शासन ग्रामविकास विभाग, बांधकाम भवन मर्झबान पथ ,फोर्ट, मुंबई मंत्रालय ४००००१, क्रमांक व्हीपीएम २०२२/ पत्र क्रमांक १३५ /पंचायत राज ४दिनांक ०९डिसेंबर २०२२ चे महाराष्ट्र शासन राजपत्र साधारण भाग चार अ अधिसूचनेच्या अनुषंगाने दिपाली जपे, कक्ष अधिकारी महाराष्ट्र शासन यांनी अपर मुख्य सचिव निवडणूक आयोग, विभागीय आयुक्त नाशिक विभाग मूळ प्रस्तावसह, जिल्हाधिकारी जळगाव ,मुख्य कार्यकारी अधिकारी जिल्हा परिषद जळगाव ,यांना दिनांक १२डिसेंबर २०२२पत्राद्वारे कळविले आहे.
पळासखेडे बुद्रुक ग्रामपंचायत स्वतंत्र होण्यासाठी गेल्या दोन वर्षापासून गोपीचंद सुरवाडे पत्रकार ,जयसिंग गणपत चव्हाण, आणि जिलानी उमर वंजारी ,तालुकाअध्यक्ष ,अल्पसंख्याक विभाग शिवसेना यांनी जळगाव, नाशिक, मुंबई मंत्रालयात विविध विभागात कागदपत्रे सादर करून पाठपुरावा केला,यासाठी आमदार चंद्रकांत पाटील यांनी सुद्धा विशेष लक्ष घातले होते त्यांचे स्वीय सहाय्यक प्रवीण चौधरी ,सरपंच पंढरी शिराळे गोविंद राठोड ग्रामसेवक, यांचे विशेष सहकार्य लाभले .स्वतंत्र ग्रामपंचायत झाल्यामुळे पळासखेडे बुद्रुक च्या नागरिकांनी गोपीचंद सुरवाडे पत्रकार, जयसिंग गणपत चव्हाण ,जिलनी उमर वंजारी याचे अभिनंदन केले आहे. ग्राम पंचायत सदस्य देवानंद संतोष सुरवाडे यांनी यानिमित्त गावभर पेढे वाटून आपला आनंद व्यक्त केला,
