धुळे (प्रतिनिधी) धुळे (Dhule) शहरात आठ ते दहा दिवसांनंतर पिण्याच्या पाण्याचा पुरवठा होत आहे. या प्रश्‍नावर लोकप्रतिनिधी संतप्त झाले असून पाण्यासंदर्भात प्रशासन गंभीर नसल्याचे म्हणत नगरसेविकेने चक्‍क शोले स्टाईल आंदोलन केले.
धुळे शहरात पाणी प्रश्न गंभीर झाला आहे. आठ- दहा दिवसानंतर नागरीकांना पाणी मिळत आहे. यामुळे नागरीकांनी प्रशासनाविरोधात आंदोलन केले होते. परंतु, अद्यापपर्यंत पाणी प्रश्न सुटलेला नाही. भर उन्‍हात शहरातील नागरीकांना पाण्यासाठी भटकंती करावी लागत आहे. शहरात आठ ते दहा दिवसांनंतर पिण्याच्या पाण्याचा पुरवठा होत असल्याने लोकप्रतिनिधी संतप्त झाले आहेत. या विरोधात आज शहरातील देवपूर परिसरात असलेल्‍या नवरंग पाण्याच्या टाकीवर चढून केले नगरसेविकेने शोले स्टाईल आंदोलन केले.
तापमानाचा पारा हा 41, 42 तर कधी 44 अंश पेक्षा देखील पुढे जात असल्यामुळे एकीकडे उन्हाच्या झळा सहन करत असताना नागरिकांना पिण्याच्या पाण्यासाठी देखील वणवण करावी लागत आहे, पाण्यासंदर्भात प्रशासन गंभीर नसल्याचे म्हणत एमआयएमच्या नगरसेविका नाजिया पठाण यांची प्रशासनाविरोधात आक्रमक भूमिका घेतली. नगरसेविकेने शोले स्टाईल आंदोलन करत प्रशासनाचा निषेध केला. नगरसेविकेसह परिसरातील महिलांनी देखील पाण्याच्या टाकीवर चढून आंदोलन केले.
