नवी दिल्ली (वृत्तसंस्था) अनेकजण व्हाट्सअॅपच्या बिझनेस मॉडेलचा वापर करतात. लवकरच या व्हाट्सअॅपचा (Whatsapp) वापर करण्यासाठी पैसे मोजावे लागू शकतात. सध्या सब्रक्रिप्शन मॉडेल व्हाट्सअॅप बिझनेसची चाचणी सुरू आहे. मात्र, या मॉडेलचा वापर करणे हे सर्व वापरकर्त्यांसाठी बंधनकारक नसणार आहे.
मीडिया रिपोर्टनुसार, सध्या व्हाट्सअॅपच्या लिंक्स डिवाइस सेक्शनसाठी नव्या डिझाइनच्या इंटरफेसवर काम सुरू आहे. ही सेवा केवळ व्हाट्सअॅप बिझनेस अकाउंट युजरसाठी असणार आहे. हा नवा प्लॅन घेतल्यानंतर व्हाट्सअॅप बिझनेस युजर हे १० डिव्हाइसला लिंक करू शकतात. नवे व्हाट्सअॅप प्रीमिअम हे अँड्रॉइड ,डेस्कटॉप, आयओएसाठी याची चाचणी सुरू आहे. नवे फीचर केवळ बिझनेस अकाउंटसाठी असेल. तसेच याचा वापर करणे हे पर्यायी असून कोणत्याही युजरला बंधनकारक नाही. त्यामुळं या नव्या फीचरचा वापर करणे व्हाट्अॅप युजरवर अवलंबून असणार आहे.
दरम्यान, या सब्सक्रिप्शन प्लॅनची माहिती अद्याप समोर आली नाही. तसेच या फिचरचे सब्रक्रिप्शन घेतल्यानंतर व्हाट्सअॅप बिझनेस वापरकर्त्यांना आणखी फीचर मिळतील. या फीचरमुळे १० डिव्हाइसला लिंक केलं जाऊ शकते. सध्यातरी वापरकर्ते हे केवळ ४ डिव्हाइसला लिंक करू शकतात. मात्र, नव्या फीचरची सुविधा घेतल्यानंतर व्हाट्सअॅप बिझनेस वापरकर्त्यांना नवी कस्टम बिझनेस लिंक जोडण्याची सुविधा मिळू शकते. या माध्यमातून व्हाट्सअॅप बिझनेस युजर हा शॉर्ट लिंक तयार करू शकतो. त्या माध्यमातून अनेक ग्राहकांशी संपर्क साधू शकतो. मात्र, या फीचरच्या अधिकृत माहितीसाठी थोडी वाट पाहावी लागणार आहे.
