अमळनेर (प्रतिनिधी) अमळनेर कृषी उत्पन्न बाजार समितीत जिल्हयाचे पालकमंत्री ना. गुलाबराव पाटील व आमदार अनिल भाईदास पाटील यांच्या सत्काराचा कार्यक्रम आयोजित करण्यात आला होता. यावेळी पालकमंत्री ना. पाटील यांनी बाजार समितीला सर्वोपतरी मदत करण्याचे आश्वासन दिले.
यावेळी विविध विषयांवर चर्चा झाली. कमी वेळात बाजार समितीच्या उत्पन्न वाढीसाठी प्रशासक मंडळाने केलेल्या कामाचे मान्यवरांनी कौतुक केले. समितीमार्फत लवकरच पातोंडा येथे पेट्रोल पंप सुरू होणार आहे. गाळण चाळण प्रकल्पाला गती देऊन शेतकऱ्यांच्या मालाला चांगला भाव मिळण्यासाठी सर्वोतोपरी मदतीचे आश्वासन गुलाबराव पाटील यांनी दिले.
शेतकऱ्यांचा शेतमाल साठवता यावा यासाठी कोल्ड स्टोरेज च्या उभारणीची गरज त्यासाठी मदतीची अपेक्षा मुख्य प्रशासक तिलोत्तमा पाटील यांनी मांडली. आमदार अनिल पाटील यांच बाजार समितीवर विशेष प्रेम आहे येणाऱ्या काळात विविध योजनांच्या माध्यमातून शेतकऱ्यांना फायदा कसा होईल याच्या नियोजनाकडे प्रशासक मंडळाने लक्ष देण्याचे त्यांनी सांगितले.
यावेळी माजी आमदार साहेबराव पाटील, प्रशासक विजय पाटील, प्रा. सुरेश पाटील, संभाजी पाटील, बी.के.सूर्यवंशी, माजी नगरसेवक राजू फाफोरेकर, प्रा.शाम पाटील, महेश देशमुख तसेच समितीचे अधिकारी व कर्मचारी मोठ्या संख्येने उपस्थित होते.
