जळगाव (प्रतिनिधी) मॉर्निंग वॉक करीत असलेल्या दोन महिलांच्या सोनपोत एकाच दुचाकीवरून आलेल्या दोन चोरट्यांनी चोरून नेल्या. चोरटे सीसीटीव्हीमध्ये कैद झाले आहेत. ही घटना १ मे रोजी सकाळी घडली.
क्लासेस चालक असलेल्या पूजा मनोज चांडक (४२, रा. प्रेमनगर) या प्रेमनगर परिसरातील एका मंदिराजवळ मॉर्निंग वॉक करीत असताना त्यांच्या मागून एक जण चालत आला व त्याने महिलेच्या गळ्यातील १३ ग्रॅम वजनाची सोनपोत ओढून दुचाकीवर बसून पसार झाला. त्यानंतर फॉरेस्ट कॉलनीजवळ संगीता राजेश कहे (५२, रा. बहिणाबाई बगीच्याजवळ) यांच्याही गळ्यातील ५० हजार रुपये किमतीची सोनपोत चोरून नेली. सोनपोत लांबविणारे चोरटे सीसीटीव्ही फुटेजमध्ये कैद झाले आहेत. फुटेजमध्ये दुचाकीचा क्रमांक समजत नसल्याचे पोलिसांनी सांगितले.
