दहिवद ता. अमळनेर (प्रतिनिधी) आदिवासी वस्तीत कोरोनाचा संसर्ग होऊ नये, यासाठी मागील वर्षापासून ग्रा.पं. सदस्या हिराबाई भिल खूपच काळजी घेत होत्या. परंतु दुसर्या लाटेत कोरोना पोहचलाच. परंतु संसर्ग जास्त वाढू नये म्हणून स्थानिक प्रशासन व आरोग्य प्रशासनाची वाट न बघता आदिवासी रणरागीनी कोरोनाशी लढायला मैदानात उतरली आहे.
येथे कोरोनाने चांगलेच डोकेवर काढले असून रुग्णांचे प्रमाण अधिक होत असतांना दिसून येत आहे. गावात मृत्यूच्या घटना देखील बर्याच होत आहेत. गावातील आदिवासी वस्तीतील एक आदिवासी वयोवृद्ध महिला एक आठवडा पासुन आजारी होती. त्या महिलेकडे कुणाचेही लक्ष नव्हते. गावातील आदिवासी ग्रा.प सदस्या हिराबाई भिल यांना कळताच त्यांनी त्या वयोवृद्ध महिलेची भेट घेऊन विचारपुस केली. त्यावरून लक्षात आले की, सर्व लक्षणे कोरोनाची आहेत. हिराबाई यांनी पातोंडा येथील प्राथमिक आरोग्य केंद्र यांच्याशी संपर्क साधून तात्काळ रुग्णवाहिका बोलवून त्या महिलेला दवाखान्यात पाठवले. त्या महिलेचा रिपोर्ट कोरोना पपॉझिटिव्ह आला. त्या महिलेला आँक्सिजनची गरज असल्याने तात्काळ अमळनेर ग्रामीण रुग्णालयात पाठवण्यात आले.
आदिवासी वस्तीत कोरोना संसर्ग होऊ नये यासाठी मागील वर्षापासून ग्रा.पं. सदस्या हिराबाई भिल खूपच काळजी घेत होत्या. परंतु दुसर्या लाटेत कोरोना पोहचलाच. परंतु संसर्ग जास्त वाढू नये म्हणून स्थानिक प्रशासन व आरोग्य प्रशासनाची वाट न बघता आदिवासी रणरागीनी कोरोनाशी लढायला मैदानात उतरली. हिराबाई भिल यांची घरची परिस्थिती जेमतेम जरी असली तरी त्यांनी ज्या वार्डातील आपल्या आदिवासी मतदारांनी आपणास निःस्वार्थ निवडून दिले आहे. त्यांच्यासाठी आपल्या हातून अश्या महामारीच्या संकटकाळी मदत म्हणून स्वखर्चाने सँनिटायझर आणून पुरुषाप्रमाणे स्वतःच्या पाठीवर फवारणीपंप बांधून आपल्या वार्डात सँनिटायझरची फवारणी करत आहेत. त्यांनी दवाखान्यात पाठवलेली आदिवासी वयोवृद्ध महिला ही कोरोनाला हरवून सुखरूप घरी परतली असून ह्या कार्याबद्दल लोक संघर्ष मोर्चा व आदिवासी पाळधी विकास परिषदेतर्फे ग्रा.पं सदस्या हिराबाई भिल या आदिवासी रणरागीनीचे कौतुक केले आहे.
