नांदेड (वृत्तसंस्था) नांदेडमध्ये एका एसटी कंडक्टरने बसमध्ये आत्महत्या केल्याची धक्कादायक घटना समोर आली आहे. संजय जानकर असं या कंडक्टरचं नाव असून एसटीमधील घंटा वाजवण्याच्या दोरीनेच त्यांनी गळफास घेऊन जीवन संपवलं. ५४ वर्षीय संजय जानकर यांनी आज पहाटे आत्महत्या केली. संजय जानकर यांनी लिहिलेली चार पानांची सुसाईड नोटही सापडली आहे.
खराब ई-तिकीट वेडींग मशीनमुळे माझ्या प्रामाणिक नोकरीवर अप्रामणिकतेचा ठपका लागणार आहे. खराब ई-तिकीट मशीनमुळे झालेल्या तांत्रिक चुकांचा दोष हे माझ्यावर टाकला जाणार आहे. माझ्या आत्महत्येला कुटुंबाचे कोणीही दोषी नाही. खराब ई-तिकीट मशीन देणारे एसटी प्रशासन दोषी असल्याचे चार पानी पत्र लिहून एका कंडक्टरने एसटी बसमध्येच आत्महत्या केल्याची घटना घडली आहे. एस. एस. जानकर असे आत्महत्या करणाऱ्या कंडक्टरचे नाव आहे. नांदेड जिल्ह्यातील माहुर आगारातील एका बसमध्ये त्यांनी आत्महत्या केली. ५४ वर्षीय संजय जानकर यांनी आज पहाटे आत्महत्या केली. जानकर यांनी चार पानांची सुसाईड नोट लिहून गळफास घेतला. संजय जानकर हे नांदेडमधील माहूर आगारात कार्यरत होते. त्यांच्याजवळील तिकीटामध्ये मोठी तफावत आढळली होती.
संजय जानकर यांनी आपल्या सुसाईड नोटमध्ये परिवहन मंडळाला जबाबदार धरलं आहे. तिकीट काढण्याचे मशीन सतत बिघडतं. त्यामुळे तिकीटांमध्ये तफावत आढळून आली आहे. काही चूक नसताना निलंबन होऊन समाजात बदनामी होईल या भीतीपोटी त्यांनी आत्महत्या केली. एसटी महामंडळमधील नवीन तिकीट मशीन नादुरुस्त आणि बिघडलेल्या आहेत. यामुळे वाहकांना नाहक त्रास होऊन बडतर्फ केलं जात असल्याचा आरोप संजय जानकर यांनी सुसाईड नोटमध्ये केला आहे.
एसटीमध्ये ईटीआय मशीनद्वारे तिकीट देण्यात येत असते. अनेक वेळा या मशीनबाबत संबंधित वाहकांकडून तक्रारी करण्यात येत असतात. कधी कधी प्रिंट न निघणे, हँग होणे यासह अन्य तक्रारीही समोर आलेल्या आहेत. याबाबत महामंडळाकडून कोणतीही कार्यवाही करण्यात आलेली नाही. यामुळे अनेक वाहकांवर तिकीट अपहाराचे गुन्हे दाखल करण्यात आले असल्याची माहिती एसटीच्या सूत्रांनी दिली.
