धरणगाव (प्रतिनिधी) येथील गुड शेपर्ड इंग्लिश मीडियम स्कुलमध्ये बाळ गंगाधर टिळक यांच्या स्मृतिदिनानिमित्त प्रतिमा पूजन व माल्यार्पण करण्यात आले.
याबाबत अधिक माहिती अशी की, कार्यक्रमाच्या सुरवातीला शाखा व्यवस्थापक जगन गावित शाखा यांनी टिळकांच्या प्रतिमेला माल्यार्पण केले. तसेच शाळेच्या प्राचार्या चैताली रावतोळे यांनी पुष्पांजली वाहिली. शिक्षिका ग्रीष्मा पाटील यांनी आपल्या प्रास्ताविकपर मनोगतातून टिळकांच्या जीवनकार्याचा थोडक्यात परिचय करून दिला. आरोग्य हीच संपत्ती हा गुण टिळकांच्या चरित्रातून घेतला पाहिजे. त्याचप्रमाणे देशाची सेवा केली पाहिजे. आजचा दिवसाचे अजून एक ऐतिहासिक महत्व आहे ते म्हणजे कुळवाडी भूषण छत्रपती शिवरायांची कीर्ती ज्यांनी सातासमुद्रापार नेली, असे आद्य शिवशाहीर, साहित्यरत्न अण्णाभाऊ साठे यांची आज जयंती. दीड दिवस शाळेत जाऊन ज्यांच्या नावापुढे साहित्यरत्न हा किताब लावला जातो असे महान व्यक्तिमत्त्व म्हणजे अण्णाभाऊ. फकिरा कादंबरी आणि इतर विपुल ग्रंथसंपदा लिहून ज्यांनी साहित्यातून दीन दुबळ्यांच्या प्रश्नांना वाचा फोडली असे महान व्यक्तिमत्त्व म्हणजे अण्णाभाऊ, असे प्रतिपादन ग्रीष्मा पाटील यांनी केले.
कार्यक्रमाला शाळेच्या प्राचार्या चैताली रावतोळे, शाखा व्यवस्थापक जगन गावित, मुख्याध्यापिका नाजनिन शेख यांच्यासह भारती तिवारी, अनुराधा भावे, स्वाती भावे, रमिला गावित, हर्षाली पुरभे, पूनम कासार, शिरीन खाटीक, ग्रीष्मा पाटील, नाजुका भदाणे, सपना पाटील, गायत्री सोनवणे, पुष्पलता भदाणे, लक्ष्मण पाटील, सागर गायकवाड हे शिक्षकवृंद तसेच सरला पाटील, शितल सोनवणे, इंद्रसिंग पावरा, अमोल पवार हे शिक्षकेतर कर्मचारी तसेच इयत्ता नर्सरी ते दहावी पर्यंतचे विद्यार्थी – विद्यार्थिनी उपस्थित होते. कार्यक्रमाचे प्रास्ताविक व सूत्रसंचालन ग्रीष्मा पाटील यांनी केले.
