धरणगाव (प्रतिनिधी) धरणगाव जवळील भोद खुर्द शिवारातील कापसाची महाविर कॉटन जिनींग प्रेसिंग फॅक्टरीमधून दोन अज्ञात चोरट्यांनी एकुण ५ लाख ३० हजार ७६० रुपयांची रोकड लांबवली आहे. या प्रकरणी धरणगाव पोलिसात दोन अज्ञात चोरट्यांविरुद्ध गुन्हा दाखल करण्यात आला आहे.
दि. २ जानेवारीच्या रात्री ते ३ जानेवारीच्या पहाटे सकाळी साडेसात वाजेच्या दरम्यान, हेल्मेट घालून आलेल्या चोरट्यांनी टॉमीच्या सहाय्याने कापसाची महाविर कॉटन जिनींग प्रेसिंग फॅक्टरीच्या कार्यालयातील टेबलाच्या डाव्हरला टॉमीने फोडून त्यातील ५ लाख ३० हजार ७६० रुपयांची रोकड लांबवली. चोरीची संपूर्ण घटना सीसीटीव्हीत कैद झाली असून पोलिसांनी तपास सुरु केला आहे. चोरट्यांनी सीसीटीव्ही कॅमे-याचे डीव्हीआर मशिन देखील सोबत नेले होते. परंतु दुसऱ्या सीसीटीव्हीत चोरटे कैद झाले आहेत. पुढील तपास पोलीस निरीक्षक पवन देसले यांच्या मार्गदर्शनाखाली सपोनि निलेश वाघ हे करीत आहेत.
