बोदवड (प्रतिनिधी) तालुक्यातील येवती येथील ऋषिकेश शांताराम सावरीपगार याच्यासह लोकेश संजय धनके, आनंद विजय सावळे,भूषण भागवत पाटील, निखिल श्रावणे यांनी विविध मैदानी स्पर्धांमध्ये विजय प्राप्त केला. त्यांच्या या यशाबद्दल येवती गावातून या विजयी खेळाडूंची सवाद्य मिरवणूक काढण्यात आली.
याबाबत अधिक वृत्त असे की,इंडो नेपाळ असोसिएशन चॅम्पियनशिपच्या वतीने नेपाळमधील पोखरा येथे विविध मैदानी स्पर्धा संपन्न झाल्यात. इंडो-नेपाळ चॅम्पियनशिप २०२३ स्पर्धा १८ ते २५ डिसेंम्बर दरम्यान नेपाळमधील पोखरा शहरात घेण्यात आल्या. या स्पर्धेसाठी कबड्डी व अ‍ॅथलेटिक्स प्रकारात बोदवड तालुक्यातील सहा खेळाडूंची निवड झाली होती. खेळाडूंच्या निवडीमुळे आंतरराष्ट्रीय स्पर्धेत बोदवड तालुक्यातील खेळाडूंनी छाप पडली. इंडो नेपाळ असोसिएशन चॅम्पियनशिप २०२३-२४ च्या सीजन तीन मध्ये, नेपाळ येथील पोखरा शहरातील मैदानावर झालेल्या रंनिंग स्पर्धेत येवती येथील ऋषिकेश शांताराम सावरीपागर याने १०० मीटर अडथळा शर्यत मध्ये प्रथम क्रमांक पटकावला.
यासोबतच ओम संजय विसाळे १०० मीटर प्रथम क्रमांक,लोकेश संजय धनके २०० मीटर प्रथम क्रमांक ,आनंद विजय सावळे १०० मीटर प्रथम क्रमांक, भुषण भागवत पाटील १०० मीटर तृतीय क्रमांक,निखिल श्रावणे २०० मीटर तृतीय क्रमांक, पटकावला. या सर्व विजयी झालेल्या स्पर्धकांचे बोदवड रेल्वे स्थानकावर आगमन झाल्यानंतर, शुभम रामदास पाटील, अमोल विलास पाटील,डॉ. पुरुषोत्तम गड्डम सर यांनी सत्कार केला. तसेच रामदास पाटील यांनी दूरध्वनी वरून संपर्क साधून शुभेच्छा दिल्या, खेवलकर कन्स्ट्र्शन ऑफिसमध्ये येथे स्वागत केले. त्यानंतर येवती गावाच्या वतीने सत्कार समारंभाचा कार्यक्रम करून गावामधून भव्य मिरवणूक काढून सर्व खेळाडूंचे स्वागत करण्यात आले. राष्ट्रवादी राज्यमहिलाध्यक्ष रोहिणी खडसे यांनी दूरध्वनी वरून संपर्क साधून सर्व खेळाडूंना शुभेच्छा दिल्या.ऋषिकेशने या अगोदर राज्यस्थान जयपूर येथे 3 किलोमीटर सुवर्ण पदक ८०० मीटर कास्य पदक, त्यानंतर अमदाबाद येथे झालेल्या स्पर्धेत १०० मीटर सुवर्ण पदक पटकावले होते.
