धरणगाव (प्रतिनिधी) व्हाटस्अपवर व्हिडीओ कॉल (Video Call) करून नग्न होत, तरुणाला ब्लॅकमेलिंगचा प्रयत्न झाल्याची घटना पुन्हा एकदा घडली आहे. दरम्यान, धरणगावसारख्या छोट्या गावातही हायप्रोफाईल सोशल मीडियाद्वारे सेक्स व्हिड़िओ कॉल करून व्यक्तींना ठगवण्याचा प्रयत्न होत, असल्यामुळे प्रचंड खळबळ उडाली आहे.
एका तरुणासोबत व्हाटसअॅपवरून एका तरुणीने संपर्क साधला. त्यानंतर भावना उत्तेजित करण्यासाठी व्हिडीओ कॉलवरून तरुणीने थेट कपडे काढायला सुरुवात केली. तसेच तरुणाला त्याचा चेहरा दाखवण्याचे सांगितले. परंतू भेदरलेल्या तरुणाने वेळीच ब्लॅकमेलिंगचा प्रयत्न ओळखला आणि फोन तत्काळ कट केला. भेदरलेल्या तरुणाने लागलीच पोलीस स्टेशन गाठत पोलीस निरीक्षक राहुल खताळ यांची भेट घेत संपूर्ण हकीगत सांगितली. पोलीस निरीक्षक श्री. खताळ यांनी तरुणाला धीर दिला. तसेच संबंधित फोन ब्लॅकलिस्टमध्ये टाकायची सूचना केली. तसेच त्या तरुणीला कोणत्याही परिस्थितीत पैसे द्यायचे नाहीत. तर त्या तरुणीने पुन्हा फोन केल्यास पोलीस स्थानकात संपर्क साधण्याचे सांगितले आहे. दरम्यान, काही दिवसांपूर्वी अशाच पद्धतीने काही तरुणांना गंडवण्यासाठी व्हाटसअॅपवरून नग्न Video Call करण्याचे प्रकार घडले होते.
