जळगाव (प्रतिनिधी) शहरातील रामेश्वर कॉलनीत एका तरूणाने गळफास घेवून आत्महत्या केल्याची घटना आज सकाळी उघडकी आली. संतोष मोहन भालेराव असे आत्महत्या केलेल्या तरुणाचे नाव आहे.
संतोष मोहन भालेराव (वय-३२, रा. पोहेगाव, ता. कोपरगाव जि. नगर, ह.मू. रामेश्वर कॉलनी) या तरुण एमआयडीसीतील चटई कंपनीत कामाला होता. दोन वर्षांपुर्वी पत्नी माहेरी निघून गेली होती. त्यामुळे तो एकटाच राहत होता. याच नैराश्येतून संतोष यांनी मध्यरात्री गळफास घेवून आत्महत्या केली. घरमालक संतोष बोलेकर यांच्या लक्षात सकाळी हा प्रकार लक्षात आला. त्यांनी तात्काळ पोलिसांसह नातेवाईकांना घटनेची माहिती दिली. पोलीसांनी पंचनामा करून शवविच्छेदनासाठी मृतदेह जिल्हा वैद्यकिय महाविद्यालयात रवाना केला. दरम्यान, डॉ. सचिन अहिरे यांच्या खबरीवरून एमआयडीसी पोलीस ठाण्यात अकस्मात मृत्यूची नोंद करण्यात आली असून पुढील तपास पो.कॉ. संतोष पवार, संदीप धनगर करीत आहे.
