नागपूर (वृत्तसंस्था) दारू पाजून एका तरुणीवर अत्याचार केल्याची धक्कादायक घटना नागपुरात घडली आहे. या प्रकरणी पोलिसांनी नीलेश संजय रामटेके (वय ३१, आरबीआय कॉलनी, काटोल रोड, नागपूर) याच्याविरुद्ध अत्याचारासह विविध कलमान्वये गुन्हा दाखल केला आहे.
मार्च २०१८मध्ये पिडीत तरुणीची नीलेशसोबत फेसबुकवर ओळख झाली. नीलेशने तिला प्रेमाच्या जाळ्यात ओढले. तिला एका हॉटेलमध्ये नेत दारू पाजली. त्यानंतर नीलेश हा तरुणीला घेऊन वेलकम सोसायटी येथे आला. तेथेही तिला दारू पाजली. तरुणी बेशुद्ध झाल्यानंतर नीलेशने तिच्यावर अत्याचार केला. शुद्धीवर आल्यानंतर तिने नीलेशला जाब विचारला. नीलेशने तिला लग्नाचे आमिष दाखविले. त्यानंतर तो तिच्यावर अत्याचार करायला लागला. तरुणी गर्भवती राहिली. नीलेशने तिचा गर्भपात केला. काही दिवसांपूर्वी त्याने तरुणीला लग्नास नकार दिला. तरुणीने गिट्टीखदान पोलिसांत तक्रार दिली.
