चाळीसगाव (प्रतिनिधी) तालुक्यासह शहरातील युवकांसाठी माजी खासदार उन्मेशदादा पाटील यांच्या संकल्पनेतून ‘महानोकरी मेळावा २०२४’ चे आयोजित करण्यात आले आहे. या मेळाव्यात ५० हुन अधिक कंपन्या एकाच ठिकाणी एकाच वेळी उपलब्ध होणार असून एकाच दिवसात नोंदणी, मुलाखत आणि स्पॉट नोकरी लेटर, असे स्वरूप असणार आहे.
आपल्या तालुक्यातील सुशिक्षीत युवकांची वाढती संख्या लक्षात घेता माजी खासदार उन्मेशदादा पाटील यांच्या संकल्पनेतून युवकांसाठी रोजगार उपलब्ध करून देण्याच्या उद्देशाने ‘महानोकरी मेळावा’ आयोजित करण्यात आला आहे. या मेळाव्यात राज्यासह, देशातील परदेशातील नामांकित कंपन्या सहभागी होणार आहेत. तरी सर्व युवक तरूण-तरूणींनी या मेळाव्यात सहभाग नोंदवून या रोजगाराच्या सुवर्ण संधीचा लाभ घ्यावा, असे आवाहन ठाकरे गटाकडून करण्यात आले आहे. हा मेळावा रविवार दि.३० जून २०२४ रोजी सकाळी ९ वाजेपासून ते ४ वाजेपर्यंत राष्ट्रीय विद्यालय हिरापूर रोड, चाळीसगाव येथे संपन्न होणार आहे. तसेच या मेळाव्याचे उद्घाटन 30 जून रोजी सकाळी नऊ वाजता शिवसनेचे संपर्क प्रमूख संजय सावंत, माजी खासदार उन्मेशदादा पाटील व माजी आमदार राजीवदादा देशमुख यांच्यासह महाविकास आघाडीचे कार्यकर्ते,पदाधिकाऱ्यांच्या उपस्थित होणार असल्याची माहिती शिवसेनेचे तालुका प्रवक्ते दिलीप घोरपडे यांनी दिली आहे.
शैक्षणिक पात्रता / अटी
१) 10 वी, 12 वी, ITI, B.A, B.Com, B.Sc, M.Sc. Diploma, BE/B.Tech., D.Pharm, B.Pharm,
३) बायोडाटा (कमीत कमी ५ प्रती झेरॉक्स)
४) पासपोर्ट आकाराचे ३ फोटो
मेळाव्याची वैशिष्टे
१) विनामुल्य नोंदणी
२) नोंदणी नंतर मोफत मुलाखत प्रशिक्षण
३) पात्र उमेदवारांना त्याच दिवशी तात्काळ ऑफर लेटर.
*मेळाव्यात नामांकित कंपन्यासहभागी होणार आहेत.
नाव नोंदणीसाठी 95 45 45 2014 या नंबरवर मिस कॉल दिल्यास व्हॉट्सऍपवर रजिष्ट्रेशन लिंक मिळणार आहे. तसेच मेळाव्याच्या दिवशी जागेवर देखील तरुणांना नोंदणी करता येणार आहे.तसेच परदेशातही नोकरीची संधी उपलब्ध होणार आहे. यासाठी पासपोर्ट आवश्यक असणार असून या मेळाव्यासाठी महाविकास आघाडी, समविचारी संघटना, संस्था यांचे सहकार्य लाभणार आहे.
