नवी दिल्ली (वृत्तसंस्था) अंदमान आणि निकोबार बेटांवर आज पहाटे भूकंपाचे धक्के जाणवले आहेत. रिश्टर स्केलवर भूकंपाची तीव्रता ४.३ इतकी मोजली गेली.
नॅशनल सेंटर फॉर सिस्मोलॉजीच्या माहितीनुसार आज पहाटे ६.३८ वाजता भूकंपाचे धक्के जाणवले. तसेच भूकंपाचे केंद्र जमिनीच्या खाली ८२ किलोमीटरवर होते. तर तवांग येथे सकाळी ७.३० वाजता भूकंपाचे धक्के जाणवले. महाराष्ट्रातील पालघरमध्येही भूकंपाचे धक्के जाणवले. रिश्टर स्केलवर त्याची तीव्रता २.५ इतकी होती. एनसीएसच्या मते, भूंकपाचे केंद्र जमिनीच्या खाली ५ किलोमीटरवर होते. पहाटे साडेचार वाजता पालघरमध्ये भूकंपाचे धक्के जाणवल्याची माहिती आहे. दुसरीकडे निकोबार ते अरुणाचलपर्यंत भूकंपाचा हादर जाणवला. ईशान्येकडील अरुणाचल प्रदेशातील तवांग येथे ३.४ तीव्रतेच्या भूकंपाची नोंद झाली.
