भुसावळ (प्रतिनिधी) शहरातील मुस्लीम बहुल भागात मोठ्या प्रमाणात घाणीचे साम्राज्य पसलेले असून डेंग्युचे रुग्ण मोठ्या प्रमाणात वाढत आहेत. त्यामुळे तातडीने साफसफाई करण्याची मागणी, एका निवेदनाद्वारे राष्ट्रवादीने भुसावळ मुख्याधिकाऱ्याकडे केली आहे.
राष्ट्रवादी अल्पसंख्याक आघाडीचे शहराध्यक्ष शोएब खान युनुस खान यांनी दिलेल्या निवेदनात म्हटले आहे की, शहरातील अन्सार उल्लाह नगर, जाम मोहल्ला,मोहम्मदी नगर, ताज नगर, गवळी वाडा, काझी प्लॉट, गौसीया नगर, पापा नगर, मिल्लत नगर, मुस्लीम कॉलनी, खडका रोड परिसर व ग्रीन पार्क एरिया या ठिकाणी नियमीत साफसफाई होत नाहीय. त्यामुळे डेंग्यु आजाराने रूग्ण वाढत असून तातडीने साफसफाई करणे आवश्यक आहे.
भुसावळ शहरातील मुस्लीम बहुल भागातील सर्व भागातील रहिवाशी असुन आमच्या वरील प्रमाणे सर्व परिसरात घाणीचे साम्राज्य पसरलेले आहे. गटारीची रोज साफ सफाई होत नसल्याने डेंग्यु,मलेरीया या सारख्या आजाराने नागरीक त्रस्त झालेले आहेत. आधीच कोरोना महामारीमुळे नागरीकांच्या मनात भितीचे वातावरण आहे. तशात घाणीचे साम्राज्य पसरल्यामुळे रोगराई व साथीचे आजार होण्याची दाट शक्यता आहे. कचरा गाडी आठवड्यातून एकाच वेळेस येते व साफसफाई कर्मचारी नियमीतपणे साफ-सफाई करीत नाही. सर्व मुस्लीम बहुल भागाची प्रत्यक्ष येऊन पाहणी करावी आपल्या स्तरावरून तातडीने गटारी,नाले यांची साफसफाई करण्याचे आदेश द्यावेत, अशी विनंती करण्यात आली आहे. या निवेदनावर जुनेद अशरफ खान, नजर शेख, अकबर भाई, नाझिम कादरी, आदिल बागवान, जुनेद शेख यांच्या स्वाक्षऱ्या आहेत.
