धरणगाव (प्रतिनिधी) बस स्टॅण्ड समोरील कॉक्रीट रस्त्याचे बंद असलेले काम त्वरीत सुरू करावे, अन्यथा रास्ता रोको आंदोलन करण्यात येईल, असा इशारा भारतीय जनता पार्टीने दिला आहे.
शहरातील छत्रपती शिवाजी महाराज यांच्या पुतळ्यापासून ते चोपडा रोडवरील गणेश ऑटो पर्यंतच्या कॉक्रीट रोडचे काम काही महिन्यापासून सुरू होते. परंतु, गेल्या दिड महिन्यापासून प्रमुख रहदारीच्या रस्त्याचे हे काम मक्तेदाराने पूर्णपणे बंद केले आहे. अपूर्ण कामामुळे नागरिकांची फार मोठया प्रमाणात गैरसोय होत असून रहदारीस अडथळा निर्माण झालेला आहे व दररोज छोटे-मोठे अपघात घडत आहेत. पुढील काळात अपघात होऊन काही जीवित हानी होऊ नये म्हणून भाजपच्या वतीने आपणास सूचित करण्यात येत आहे की बंद असलेले काम त्वरीत सुरू करावे अन्यथा काही जिवीत हानी घडल्यास आपणास जवाबदार पकडले जाईल. तसेच सदरील काम अभियंताच्या निगराणीत उत्तम दर्जाचे घ्यावे ही विनंती तसे न झाल्यास भारतीय जनता पार्टी रास्ता रोको आंदोलन करण्यात येईल.
भारतीय जनता पार्टीची मागणी
१) शहरातील सुभाषचंद्र बोस दरवाज्याचे खासदार निधीतून अंदाजपत्रक तयार करावे
2) धरणगाव तालुक्यातील बांभोरी प्र.चा.ते निमखेडी येथील गिरणा नदीवर नवीन पूल बांधण्यात यावा.जेणेकरून जुन्या पुलावरील वाहतुकीचा ताण कमी होईल
3) धरणगाव कोर्टाच्या नवीन इमारती समोर पाटचारी वर नवीन पूल बांधण्यात यावा.या आशयाचे निवेदन सार्वजनिक बांधकाम उपविभागाचे अभियंता सपकाळे साहेबांना देण्यात आले
याप्रसंगी भाजपचे जेष्ठ नेते शिरिषआप्पा बयास, ओबीसी जिल्हाध्यक्ष अँड.संजय महाजन, अँड.वसंतराव भोलाने, शहराध्यक्ष दिलीप महाजन, गटनेते कैलास माळी, नगरसेवक शरद अण्णा कंखरे, ललित येवले, भालचंद्र जाधव, कन्हैया रायपूरकर, राजेंद्र महाजन, सचिन पाटील, विशाल पाटील आदी पदाधिकारी उपस्थित होते.
