जळगाव (प्रतिनिधी) वॉटरग्रेस कंपनीच्या कचरा संकलन करणाऱ्या ट्रॅक्टरमध्ये कचऱ्याऐवजी मोठ्या प्रमाणावर माती, दगडे आढळून आल्याचा आरोप राष्ट्रवादीने केला आहे. तसेच ‘आम्हाला नाही लाज , कचर्यासोबत माती खाण्याचा माज’, अशा कडवट शब्दात वॉटरग्रेस कंपनीवर टीका केली आहे.
राष्ट्रवादीने दिलेल्या माहितीनुसार वॉटरग्रेस कंपनीतर्फे कचरा संकलनासाठी लावण्यात येणार्या ट्रॅक्टरसह अन्य वाहनांमध्ये कचर्याऐवजी तोडलेली झुडपे असल्याचा प्रकार शनिवारी उघडकीस आला होता. यावर आयुक्तांनी कारवाईचे आश्वासन दिले होते. मात्र आयुक्तांच्या आदेशाला केराची टोपली दाखवत ‘आम्हाला नाही लाज , कचर्यासोबत माती खाण्याचा माज’ याप्रमाणे यानंतरही सलग दुसऱ्या दिवशी वॉटरग्रेस कंपनीच्या कचरा संकलन करणाऱ्या ट्रॅक्टरमध्ये कचऱ्याऐवजी मोठ्या प्रमाणावर माती, दगडे आढळून आल्याचा आरोप केला आहे. या प्रकारानंतर वॉटरग्रेस कंपनी आयुक्तांनाही जुमानत नसून एकप्रकारे कारवाईसाठी आव्हान देत असल्याचेही राष्ट्रवादीने म्हटले आहे. राष्ट्रवादी काँग्रेसचे अभिषेक पाटील, महानगर अध्यक्ष स्वप्नील नेमाडे, अँड .कुणाल पवार, गणेश निंबाळकर, विजय पाटील यांनी रविवारी पुन्हा अाव्हाणे येथे कचरा फॅक्टरीत जाऊन पाहणी केली असता हा धक्कादायक प्रकार समोर आला. राष्ट्रवादी कॉग्रेसने या प्रकाराबाबत संताप व्यक्त केला. तसेच कारवाईसाठी आव्हान देणाऱ्या वॉटर ग्रेस कंपनीवर आता तरी आयुक्तांनी कठोर कारवाई करण्याची हिंमत दाखवावी, अशी मागणी देखील केली आहे.
