रावेर (प्रतिनिधी) शहरातील सप्तश्रृंगी नगरात एका विवाहितेची निर्घुण हत्या केल्याची घटना आज दुपारी उघडकीस आल्यानंतर प्रचंड खळबळ उडाली आहे.
शहरातील सप्तश्रृंगी नगरात सुनिता संजय महाजन (वय-४६) या आपल्या मुलासह वास्तव्यास आहेत. मयत विवाहितेचा मुलगा हा दुपारी कामावरून नेहमी प्रमाणे जेवनासाठी घरी आला, तेव्हा त्याला घराला कुलूप लावलेले दिसले. त्याने कूलूप उघडून पाहिले असता आईचा खून झाल्याचे दिसून आले. डोक्यात मारल्याने खून केल्याचे प्रथमदृष्ट्या दिसून आले. शहरात घटनेची माहिती वाऱ्यासारखी पसरल्यानंतर बघ्यांनी एकच गर्दी केली होती. दरम्यान, हा खून कोणी आणि का केला? याबाबत चर्चेला उधान आले आहे. घटनास्थळी पोलिस निरिक्षक कैलास नागरे, पोलिस उपनिरिक्षक विशाल सोनवणे यांच्यासह आदी कर्मचारी पोहचले असून तपासचक्र वेगाने फिरायला सुरुवात झाली आहे.
