जळगाव (प्रतिनिधी) जबरी लुटीच्या गुन्ह्यातील दोन आरोपींना शहर पोलिसांच्या पथकाने अटक केली आहे. भूषण भरत सोनवणे (वय २१, रा. सिद्धिविनायक पार्क, जळगाव) आणि संदीप मधुकर निकम (वय २२, रा. गेंदालाल मिल, जळगाव) अशी अटक केलेल्या दोन्ही आरोपींची नावे आहेत.
२२ सप्टेंबर रोजी पवन बबन आढाळे (वय २३, रा. त्रिभूवन कॉलनी, जळगाव) हा तरुण रात्री साडेनऊ वाजेच्या सुमारास त्याच्या आईसाठी मेडिकलवर गोळ्या व औषधी घेतल्यानंतर मित्र मनोजसोबत दुचाकीवरून घराकडे परत जात होता. त्याचवेळी इंद्रप्रस्थ नगर रिक्षा स्टॉपजवळ आरोपी भूषण सोनवणे, संदीप निकम आणि त्यांच्या एका साथीदाराने पवनची दुचाकी अडवली. आरोपींनी पवनच्या दुचाकीला लाथ मारून दोघांना जमिनीवर खाली पडले. त्यानंतर दोघांना बेदम मारहाण करत पवनच्या खिशातून आरोपींनी ८०० रुपयांची रोकड बळजबरीने काढून घेतली. याप्रकरणी शहर पोलिस ठाण्यात भादंवि कलम ३९४ अन्वये गुन्हा दाखल करण्यात आला होता.
