जळगाव (प्रतिनिधी) जळगाव जिल्हा बँक निवडणुकीच्या बिनविरोध संदर्भात काँग्रेस राष्ट्रवादी शिवसेना-भाजपा यांची संयुक्त बैठक बोलविण्यात आली होती. या बैठकीला भाजपाचे नेते गिरीश महाजन सायंकाळी उशिरापर्यंत न पोहोचल्याने तर्कवितर्काला उधान आले होते. परंतू गिरीश महाजन थोड्यावेळापूर्वी बैठकीला पोहोचल्यामुळे बैठकीला सुरुवात झाल्याचे वृत्त आहे. या बैठकीला पालकमंत्री गुलाबराव पाटील, एकनाथराव खडसे यांच्यासह इतर नेते उपस्थित आहेत.
संभाव्य उमेदवारांची गिरीश महाजन यांनी मागील आठवड्यात जामनेर येथे आडकित्ता बागेत चर्चा केली होती. यामुळे आजच्या सर्वपक्षीय बैठकीला यायला उशीर झाल्यामुळे चर्चेला उधान आले होते. अगदी बैठक निष्फळ ठरते का? अशी शक्यता वर्तवली जात होती. अगदी सर्वपक्ष पॅनलवर प्रश्नचिन्ह निर्माण झाले होते. परंतू थोड्यावेळापूर्वीच गिरीश महाजन पोहचले. या सर्वपक्षीय बैठकीला राष्ट्रवादी काँग्रेसचे नेते गुलाबराव देवकर, तसेच या पॅनलचे नेतृत्व करणारे ना. गुलाबराव पाटील, डॉ.सतीश पाटील ,आ. चिमणराव पाटील, आ, किशोर पाटील, आ.चंद्रकांत पाटील, काँग्रेसचे माजी खासदार डॉ. उल्हास पाटील, डी.जे.पाटील, उदय पाटील, काँग्रेसचे जिल्हाध्यक्ष संदीप भैय्या पाटील ,संजय गरुड असे प्रमुख पदाधिकारी उपस्थित आहे. राष्ट्रवादी काँग्रेसचे जिल्हाध्यक्ष रवींद्र भैय्या पाटील व इतर मान्यवर नेत्यांनी भाजप नेते गिरीश महाजन यांच्याशी या बैठकी संदर्भात चर्चा केली होती.
