धरणगाव (प्रतिनिधी) शहरातील चोपडा रोडवरील दादाजी नगरमधून मोटारसायकलची चोरीला गेल्याची घटना घडली आहे.
शहरातील चोपडा रोडवरील दादाजी नगरमध्ये शिवदास रूपा महाजन हे आपल्या परिवारासह वास्तव्यास आहेत. दि. १८ रोजी रात्री त्यांनी आपली हिरो होंडा मोटार सायकल क्र. (एमएच.१९, सीई ५२९३ ) नेहमी प्रमाणे घराबाहेर लावलेली होती. दुसऱ्यादिवशी सकाळी उठल्यावर शिवदास महाजन यांच्या लक्षात आले की, त्यांची मोटार सायकल चोरीला गेली आहे. दरम्यान, मागील काही दिवसापासून धरणगावातून मोटार सायकल चोरीला जाण्याचे प्रमाण वाढले. काही दिवसापुर्वी पोलिसांनी एका मोटार सायकल चोरी करणाऱ्या टोळीला जेरबंद केले होते. तरी देखील मोटार सायकल चोरी सुरु असल्यामुळे वाहनधारकांमध्ये भीतीचे वातावरण आहे.
