जळगाव (प्रतिनिधी) धरणगाव शिवसेना तालुका संघटक तथा तिळवण तेली समाजाचे अध्यक्ष सुनील चौधरींनी आज भाजपात प्रवेश केला आहे. यावेळी भाजपचे जिल्हाध्यक्ष आ. राजूमामा भोळे, खा. रक्षाताई खडसे, पी.सी. आबा पाटील तसेच भाजपा ओबीसी सेलचे जिल्हाध्यक्ष अॅड. संजय महाजन हे उपस्थित होते.
येथील सामाजिक कार्यकर्ते तथा शिवसेना तालुका संघटक, समाजाचे अध्यक्ष सुनील चौधरींनी आज भाजपात प्रवेश केला. सुनील चौधरी हे धरणगाव पालिकेच्या झुमकराम सार्वजनिक वाचनालयाचे विद्यमान अध्यक्ष आहेत. सामाजिक कार्यातून गरीब विद्यार्थांना श्री. चौधरी नेहमीच मदत करत असतात. त्यांच्या प्रवेशामुळे आगामी पालिका निवडणुकीला महत्व प्राप्त झाले आहे. यावेळी त्यांच्यासोबत किरण चौधरी, मोनू चौधरी यांनी देखील भाजपात प्रवेश केला आहे. तर महाआघाडी सरकार ओबीसी आरक्षण टिकवू शकले नाही. तसेच शेतकरी प्रश्न कायम असून धरणगावमधील गलथान,भ्रष्टाचार,अंतर्गत गटबाजीला कंटाळून भाजपात प्रवेश केल्याचे श्री. चौधरी यांनी सांगितले. यावेळी आ. राजूमामा भोळे, खा. रक्षाताई खडसे, माजी आ. स्मिताताई पाटील,पी.सी. आबा पाटील, धरणगावचे नगरसेवक ललित येवले हे उपस्थित होते.
